Tumataba ka ba at nangangamba na baka lumubo ka ng husto? Hindi mo alam kung anong dapat gawin? Ang artikulong ito ang kasagutan saiyong problema!. Tatalakayin natin dito ang iba’t ibang pagkaing pampapayat na makakatulong saiyo para mapigilan ang patuloy na pagdagdag ng iyong timbang.

Anu-Ano ang mga pagkaing pampapayat?

Mga pagkaing pampapayat ba ang iyong hinahanap? Bago natin talakayin ang mga kasagutan sa tanong na ito, Dapat malaman mo muna kung bakit maraming mga Pilipino ang humahantong sa ganitong klaseng problema.

Alam nating lahat na ang mga Pilipino ay mahilig kumain. Dahil na rin siguro sa mga masasarap na lutuin at putahe dito sa Pilipinas kaya nangyayari ito. Ang pagkain rin ang pangunahing tukso sa mga taong nagpapayat. “Naku, masisira na naman nito ang diet ko”! narinig mo na ba ang katagang iyan? Marahil ay oo. Ito ang karaniwang sinasabi ng mga taong nagpapayat sa tuwing kaharap nila ang masasarap na pagkain, natutukso sila. At kasunod nga nito ang walang habas na pagkain na parang hindi na sisikatan ng araw. Pero dapat mo bang sisihin ang pagkain sa iyong pagtaba? Alam mo bang ang pagkain rin ang isa sa mga kasagutan sa iyong problema? Magpatuloy lamang sa pagbabasa at malalaman mo kung ano ang tinutukoy ko.

Pagkaing pampapayat: Mga uri ng pagkaing nakakapayat

Totoo na ang pagkain ng marami ay nakakataba. Lalo na kapag hindi wasto at masustansyang pagkain ang iyong pipiliin. Nabanggit ko kanina ang tungkol sa mga pagkaing pampapayat, gusto mo bang malaman kung ano-ano ang mga ito? Ang mga sumusunod na ito ay ang mga pampapayat na pagkain:

• Ang pagkain ng high-fiber cereals ay nakakatulong sa pagpalusog ng iyong katawan at nakakabawas rin ng taba.
• Dalasan rin ang pagkain ng mga isdang dagat katulad ng tuna, mackerel, at salom.
• Ang pagkain ng oatmeal ay nakakababa ng cholesterol sa katawan na nakakatulong sa pagpapayat.
• Kung mahilig ka sa gatas, Ang yogurt at low-fat milk ang inumin mo sapagkat mas mababa ang fats nito kumpara sa regular na gatas.
• Maaari mo namang ipampalit sa kanin o regular rice ang white bread at brown rice.
• Alam mo bang ang paginom ng tubig na may isang kutsarita ng suka bago kumain ay nakakapayat? Ito ang lumabas sa pag-aaral ng Harvard School of Public Health.
• Ang itlog ay mayaman sa protina. Ugaliin ang pagkain nito tuwing agahan. Linalabanan ng protein ang pagdami ng fats sa iyong katawan.
• Kung mahilig ka naman sa karne. Ang manok at pabo (turkey) na walang balat ay mas mababa ang bilang ng fats kumpara sa ibang karne.
• Kumain ng maraming gulay. Ang mga gulay ay mayaman sa fiber na tumutulong sa pagpapanatili ng malusog na katawan ng isang tao.

Pagkaing pampapayat: Mga prutas na nakakapayat!

Good news ito para sa mahihilig sa prutas! Dahil mayroong mga prutas na makakatulong sa iyong layunin na magpapayat. Tandaan lamang na hindi lahat ng prutas ay nakakapayat, katulad ng mangga (hinog na mangga) na mayaman sa calories. Ano-ano ba ang mga prutas na dapat mong kainin? Narito ang ilan sa mga sumusunod:

• Suha at grapefruit – Mayroon itong taglay na acid na nakakabagal ng digestion.
• Mansanas o apple – Taglay ng mansanas ang pectin na nakakababa ng kolesterol sa katawan na tumutulong sa pagpapayat.
• Peras – Ang peras, katulad ng ibang mga gulay ay mayaman sa fiber na maganda sa digestion ng iyong katawan.
• Saging – Ang pagkain ng saging ay nakakabusog ngunit hindi nakakataba. Maganda itong kainin pantanggal gutom. Mayaman rin ito sa potassium na pampalakas ng muscles.
• Pakwan o watermelon – Ang pakwan ay nakakabusog dahil sa marami ang tubig nito. Hindi rin ito nakakataba dahil mababa ang bilang ng calories ng pakwan.
• Pinya – Bukod sa mayaman ang pinya sa enzymes, minerals, at vitamins, anti-oxidants rin ito. Dagdag pa, mababa ang kolesterol at taba ng pinya kung kaya mabisa itong pampapayat.
• Bayabas – Kung mahilig ka sa bayabas ay good news ito para saiyo! Dahil ang prutas na ito ay mayaman sa fiber at mababa sa fats at cholesterol. Saktong kainin ng mga nagpapayat kagaya mo!.
• Avocado – Ang avocado ay masasabing best fruit for weight loss dahil sa katangian nitong mataas sa fiber at mababa sa carbohydrates. Bukod sa masarap ay maganda rin ang naidudulot ng avocado sa kalusugan ng puso. Tumutulong din ito sa magandang metabolismo at nagbibigay ng sapat na enerhiya sa katawan. Ang regular na pagkain ng avocado ay makatutulong para manatiling fit at healthy ang isang nagpapapayat.
• Oranges – Kung natutukso kang kumain ng matamis, ang prutas na ito ang dapat mong kainin. Ang isang 100 grams na orange ay nagtataglay ng 47 calories, may tamang tamis para sa mga dieter na nagnanais kumain ng matamis.
• Kamatis – Ang kamatis ay isang uri ng prutas na importanteng nasa listahan ng mga dapat kainin ng mga nagpapapayat. Bukod sa ang kamatis ay anti-oxidants, Mababa lamang ang calories nito at maraming water content. Perfect match para sa mga nais pumayat ng mabilis.
• Lemon – Ang kombinasyon ng lemon at honey na iinumin sa umaga ay isang natural detoxifier na makatutulong sa pagpapapayat. Mainam inumin ng mga nagpapapayat, isang alkaline food na magpapanatili ng energy bukod sa iba pang bitamina at mineral na kayang ibigay ng lemon.

Healthy lifestyle: Mabilis na pampapayat

Ang mga nabanggit sa itaas ay ang mga pagkaing makakatulong saiyo para magpapayat. Sabayan ito ng proper exercise at disiplina sa sarili at makakamit mo ang body figure na iyong inaasam. Talikuran mo na ang mga nakaugalian mong masasamang bisyo katulad ng pagiinom at pagsisigarilyo. Magkaroon ka ng sapat na tulog para makaiwas sa stress. Kung hirap kang gawin ang mga nabanggit sa itaas ay huwag mo munang biglain ang iyong sarili. Idaan mo sa mabagal ngunit siguradong proseso at huwag mo itong gawin bilang isang obligasyon dahil mahihirapan ka talaga!. Sundin mo ito dahil ito ang tama at gawin mo ito ng may kasiyahan. Ang pagkakaroon ng positibong pananaw ang pinaka mahalaga sa lahat. Lalong lalo na sa mga kagaya mong gustong makatakas sa bangungot ng pagiging mataba.

Ang artikulong ito ay tatalakay sa mga imprmasyong kailangan mong malaman ukol sa luyang dilaw. Anu-ano ang mga luyang dilaw benefits? Ano ang papel ng luyang dilaw sa pagpapapayat o weight loss?

Ano ang luyang dilaw?

Ang luyang dilaw o kaya turmeric ay isang halaman na kahawig ng luya, ito ay karaniwan ng nagmumula sa Southern Asia. Ang turmeric ay nabubuhay sa hindi gaanong mainit na lugar kaya naman marami na rin nito sa buong mundo. Katulad ng luya, ang luyang dilaw o ay ginagamit sa pagluto ng maraming pagkain at food supplements. Ang turmeric ay kadalasang ginagawang powder sa pamamagitan ng paglaga, at pagpatuyo o pagpino nito. Marami ang nag aakala na ang luyang dilaw o turmeric ay maanghang ngunit hindi ito maanghang .Ang kulay dilaw na luya na ito ay hindi lamang basta sangkap sa pagluluto ngunit marami itong benepisyo sa ating kalusugan

Luyang dilaw benefits

Narito ang ilan sa mga Luyang dilaw benefits na kailangan mong malaman.

• Ang luyang dilaw ay mayroong bioactive compound at powerfull medical properties
• Mayroon din itong curcumin na natural na anti-inflammatory compound
• Nagbibigay ito ng antioxidant sa katawans
• Mayroon din itong neutrophic factor para mababa ang tyansang magkaroon ng brain disease
• Mababa ang tyansang magkaroon ng heart disease
• Nagpe-prevent ng cancer
• Gamot at para maka-iwas sa alzeimers disease
• Ang curcumin supplement ay mabisang gamot sa arthritis
• Mayroon din itong benepisyo na tumutulong upang hindi magkaroon ng depression
• Nagpapabata at panlaban din ito sa mga chonic disease

Luyang dilaw, benepisyo at bitamina at mineral na taglay nito:

• Volatile oils
• Vitamins B and C
• Potassium
• Sodium
• Iron
• Omega-3 fatty acids
• A-linolenic acid
• Proteins
• Carbohydrates
• Mga fiber at marami pang iba

Luyang dilaw weight loss benefits

Ang kakaibang biological activities ng luyang dilaw o turmeric ay isang mabisang paraan upang magpapayat ang activities na ito ay hindi lamang tumutulong magpapayat kundi ninalabanan nin nito ang mga komplekasyon ns dulot ng obesity.

Ang luyang dilaw ay tumutulong upang pigilan ang pagdami ng taba sa katawan at mabilis din itong tinutunaw. Ang pagdami ng fat sa adipose tissue katulad ng stomach at liver ay nagdudulot ng mabilis na pagbigat ng timbang o obesity. Ang white adipose tisseu sa katawan ay karaniwan na imbakan ng fat o taba. Ang obese o matatabang tao ay nagkakaroon ng formation of new blood vassels o angioneses sa white adipose. Upang mabawasan ang taba ay kailangang targetin ang angioneses sa white adipose tissue. Ang curcumin na matatagpuan sa luyang dilaw o turmeric ay ay tumutulong upang maiwasan ang pagdami ng taba sa adipose tissue. May mga pag-aaral na nagsasabi na pinapabilis din nito ang metabolic activities sa white adipose tissue para maiwasan ang angioneses at mabawasan ang taba. Ang curcumin na matatagpuan sa luyang dilaw ay naapapaliit ng white adpose tessues at pinipigilan ang pagdami ng taba sa mga taong mayroong obesity.

Makabubuti kung ang white adipose tissue ay magiging brown adipose tissue. Ang brown adipose tissue ay kilalang may mahalagang papel sa pag heat ng production process sa ating katawan. Ang ating katawan ay nagpo-produce ng heat sa pamamagitan ng combustion ng lipids at glucose. Ang brown adipose tissue ay may malaking bahagi sa proseso ng pagbaba ng timbang. Ang curcumin ang active ingredient ng luyang dilaw o turmeric ay tumutulong upang ang white adipose ay maging brown adipose.

Thermogenic propreties – ito ay isang metabolic process na ang calories ay natutunaw upang maging energy. Ang prosesong ito ay mabisang pampapayat. Ang shogoals at gingerols ay dalawang compounds mula sa luyang dilaw na tumutulong upang magkaroon ng thermogenesis upang magpapayat.

Ang luyang dilaw ay gamot sa pamamaga – ito ang dahilan ng pagdami ng taba sa katawan ng isang tao,nangyayari ito dahil sa mga adipokenes na pinu-produce ng adipose tissue. Ang madalas na dahilan ay stress, diabetes, cardiovascular disease at metabolic syndrome. Ang curcumin ng taglay ng luyang dilaw ay tinatarget ang inflammatory action ng adipokenes. Ang regular na paggamit ng luyang dilaw ay tumutulong upang pumayat ang isa na mayroong obesity- related sa inflammantion significantly.

Tamang dosage ng luyang dilaw para pumayat

May tamang dosage ang paggamit ng luyang dilaw para pumayat. Kailangang pakunti-kunti lang ang dosage ng luyang dilaw, maaaring simulan sa one forth na kutsarita sa isang araw sa isang linggo.Pagkatapos ay dagdagang ang dosage sa mga susunod na linggo ng hanggang 3 kutsarita sa isang araw. Kapag ikaw ang mayroong iniinom na gamot siguraduhing mayroong 3 -4 oras na gap bago mag take ng turmeric o luyang dilaw.

Kung gusto mong pumayat gamit ang luyang dilaw ay kailangan na regular na lagyan nito ang iyong pagakain o inumin, hindi lamang magiging masarap ang lasa nito kundi magiging kaakit-akit pa dahil sa dilaw nitong kulay. Pero huwag kalimutan ang tamang dosage ng paggamit ng luyang dilaw o turmeric.

Mga inumin na maaaring lagyan ng luyang dilaw para sa weight loss benefits

• Turmeric and ginger tea – pakuluan ang 1inch na haba ng turmeric o luyang dilaw at 1 inch na haba din ng luya sa 150 ml na tubig at 4 na sticks ng cinnamon. Pakuluan nag 5 minutes o higit pa hanggang sa ang tubig ay maging lasa nan g herbs. Inumin ito habang mainit pa maari din itong lagyan ng brown sugar, hindi naman makakaapekto o magiging sagabal sa pagpapayat ang brown sugar.
• Luyang dilaw at gatas – sa maraming bansa sa southteast asia ay ginagamit ang luyang dilaw at gatas sa mga pasyenteng nagkaroon ng injury upang magamot ang pamamaga. Ang pag-inom ng luyang dilaw ng 30 minutes bago matulog ay makakatulong sa iyong metabolism at mabilis na pagpapapayat. Lagyang ng 1 teaspoon ng powder na turmeric o luyang dilaw ang 250 ml na maligamgam na gatas para sa tamang dosage.
• Green tea na mayroong luyang dilaw – pakuluan ang 1 inch na haba ng luayang dilaw na 5-7 minutes sa isang cup ng tubig, idagdag ang dahon ng green tea pakuluan ulit ng 5 minutes ay saka i-serve.

Mga paunawa tungkol sa luyang dilaw:

• Huwag iinom ng luyang dilaw o turmeric ng walang laman ang sikmura, dahil maaari itong pagmulan ng reflux acid
• Kung umiinom ng gamot dahil sa sakit ay kumunsulta sa doktor bago gumamit ng luyang dilaw bilang gamot o wightloss benefits
• Ang mga buntis na babae ay hindi maaaring gumamit ng luyang dilaw o anumang supplements mula sa luyang dilaw.
• Kung magasasailalim ng operasyon ay tumigil sa paggamit ng luyang dilaw 2 linggo bago ang operasyon

Ang luyang dilaw ay maraming benepisyo sa katawan lalo na sa pagpapayat. Kung mayroong ibang karamdaman ay ay mas mabuting kumunsulta sa doktor bago gumamit nito. Mas makabubuti kung iingatan at aalagaan an gating katawan at kalusugan, ang tamang pagkain at disiplina ay makakaiwas para tumaas ang timbang o maging obese.

Isa ka ba sa mga kababaihang nangangarap magkaroon ng tinatawag na coca-cola body? Paano kung maliit ang iyong balakang? Naku, problema nga yan, pero hindi na ngayon! Dahil makakatulong saiyo ang artikulong ito. Dito malalaman mo na puwede pang palakihin ang iyong balakang gamit ang ituturo kong iba’t-bang tips na pampalaki ng balakang.

Benepisyo ng malaking balakang sa babae

Para sa mga babae, isa ang balakang sa pinakamahalagang bahagi ng kanilang katawan. Malaki ang ginagampanan ng balakang hindi lang sa pagalaw ng isang tao, gayundin maging sa pagkakaroon ng magandang hugis ng katawan ng mga babae. Para sa kanila, hindi nila ma-achieve ang isang sexy body kapag maliit ang kanilang balakang, kaya naman kung nagkataong maliit ang balakang nila ay malaking kakulangan ito para sa kanila. Kabaliktaran naman ito sa mga lalaki na dapat maliit naman ang balakang.

Maraming hatid na benepisyo ang pagkakaroon ng malaking para sa babae, bukod sa nakadagdag ito ng appeal at kagandahan para sa kanila, pagdating pa sa pananamit ay hindi rin sila mahihirapan. Dahil maraming damit pambabae ang may tabas na tanging may malalaking balakang lamang ang babagayan. Higit sa lahat ay nakakadagdag ito ng self-confidence sa kanila.

Maging sa mga beauty pageant at modeling, mas malaki ang chance ng mga babaeng may balakang kumpara sa ibang may maliliit na matanggap sa mga ganitong klaseng patimpalak. Kaya naman hindi nakapagtataka kung bakit napakaraming babae ang nahihilig sa pagpapalaki ng balakang. Kaya ang tanong ng mga babae ay, paano ba? Magpatuloy lamang saiyong pagbabasa.

Exercise na pampalaki ng balakang

Pampalaki ng balakang ba ang hinahanap mo? Subukan mo ang iba’t ibang mga ehersisyong ito na siguradong makakatulong saiyo. Pag-aralan ang mga sumusunod:

Side lunge with dumbells – Simulan ito sa pagtinding ng tuwid habang nakadikit ng bahagya ang mga paa. Humawak ng light to medium na dumbbell, isa sa kanan, at isa sa kaliwa. Gamit naman ang kanang paa, ihakbang ito ng pabuka papunta sa iyong kanan. Itikop ang mga tuhod at sabay itulak ang iyong balakang papunta sa likod. Habang nakatayo, manatiling nakatingin saiyong harapan. Maghanda papunta sa simula. Itulak ang iyong kanang paa habang nakadiin ang iyong bigat sa kaliwang hita. Pagkatapos ay bumalik sa pagkakatindig ng tuwid.

Try Yoga – Maraming yoga poses ang na naka desinyong para palihin ang iyong balakang. Ang mga poses na ito ay makakapag palakas ng iyong mga muscle sa balakang at magkakaroon ka rin ng magandang flexibility. Ito ang ilan sa mga yoga poses na maaari mong subukan: The frog, The pigeon, The lizard, The cow face at iba pa.

Sit on your butt – Maaari kang magkaroon ng malaking balakang sa pamamagitan lamang ng simpleng pag-upo gamit ang iyong butt o puwet. Ito ang lumabas sa pag-aaral ng mga researchers na naka-published sa isang journal ng Cell Physiology. Natuklasan nila na ang pressure sa palibot ng puwet at balakang habang nakaupo ng matagal ay nakakatulong sa pagbuo ng mga taba at laman sa palibot nito.

Squats – Napagalitan ka na ba guro mo sa eskuwelahan at pina-squat ka sa unahan bilang parusa? Ang simpleng pag squat ayon sa mga physical experts ay tumutulong sa pagbuo ng muscle at fats sa palibot ng iyong balakang.

Iilan lamang sa napakarami pang uri ng exercise na maaaring makapagpalaki ng balakang mo. Narito ang kabilang pa sa kanila. Pag-aralan rin ang mga sumusunod:

• Side-lying Leg Lift
• Russian Twists
• Standing Oblique Flexion
• Cardio

Pampalaki ng balakang: Subukan ang mga pagkaing ito!

Patatas at mga chips – Mashed potatoes, French fries, baked potatoes, alin man sa mga ito ay nakakapataba sa palibot ng balakang. Ito ang lumabas sa pag-aaral ng The New England Journal of Medicine noong June 2011.

Processed meats – Ang pagkain rin ng mga processed meats katulad ng steak, burgers, bacon, corned beef, at marami pang iba ay napatunayang nakakatulong sa pagdagdag ng timbang at taba sa may balakang at puwetan. Ito rin ang lumabas sa pag-aaral ng isang malaking grupo ng researchers.

Sweets and Desserts – Ang pagkahilig sa pagkain ng matatamis na desserts katulad ng ice cream, chocolates, cakes, candies, at iba ay akalain mob a namang makakatulong pala sa pagpalaki ng iyong balakang?

Pakatandaan lamang na ang pagkain ng mga ito ay hindi nangangahulugan na ito na lamang palagi ang iyong kakainin. Ang sobrang pagkain ng mga ito ay maaaring makasama sa iyong kalusugan at pagmulan ng iba’t ibang karamdaman. Maaari mong subukan ang mga pagkaing ito, ngunit sabayan mo ng mga exercise na nabanggit sa unang bahagi ng artikulong ito.

Mga halamang gamot pampalaki ng balakang

Kapag naghahanap ka sa internet at itinanong mo ang “Paano magpalaki ng balakang?”napapansin mo ba ang paglabasan sa search results ng gamot na hip enhancement pills? Totoo ba at hindi ito delikado? Kasi ayon sa mga physical experts, walang matibay na proweba na maaaring magpalaki ng isang bahagi ng katawan na hindi naaapektuhan ang iba, lalo na kung sa paginom lamang ng ganitong pills.

Kung kaya’t mas maganda at sigurado pa rin kung sa ligtas na paraan ang gagamitin. Bukod sa iba’t ibang exercise, ano pa bang natural ang tinutukoy ko? Alam kung ang mga halamang gamot na ito ay hindi pamilyar sainyo ngunit marami na nito ngayon sa Pilipinas. Ito ang mga dapat mong hanapin at isama sa inyong healthy diet list:

• Maca Root Extracts
• Pueraria Mirifica
• Fenugreek
• Fennel seeds
• Red clover

Pampalaki ng balakang: Subukan ang hip surgery!

Kung nasubukan mo na ang mga pagkain, at naisagawa mo na rin ang mga exercise ngunit tila mabagal ang resulta, Subukan mo na ang hip surgery kung swak man lang sa iyong budget. Higit sa lahat ng nabanggit, ito ang pinaka epektibo at pinakamabilis. Hindi mo na kailangan pang magtiyaga at maghintay dahil sa isang operasyon lang ay magkakaroon ka na ng malaking balakang.

Nakikita mo ba ang mga celebrity kagaya nila Rihanna, Beyonce, Nikki Minaj, Kim at iba pa? Hindi man nila ito aminin, pero halatang halata na dumaan ang kanilang balakang sa isang hip surgery.

Alin man sa mga paraang ito ang iyong piliin, nakaksigurado ka na ang lahat ng ito ay epektibo. Ang mahalaga ay pumili ka ng gusto mong paraan na naaayon sa estado ng iyong pamumuhay.

Karamihan sa ating mga Pilipino ay nahihilig sa pagda-diyeta. Lahat ng nadidiskubre nating diet plans ay sinusubukan natin kung epektibo nga ba. Isa na sa mga pinaka-trending na diet program ay ang Keto Diet. Maging ang mga Pinoy celebrities ay sumubok na rin sa ganitong klase ng diyeta. Tunay nan gang sikat at tanggap ang Keto Diet Philippines. Ang ating bansa ay walang kakulangan pagdating sa mga pagkaing dapat kainin sa ilalim ng ketogenic diet sa Pilipinas. Hindi man maaaring kumain ng mga pagkaing may sangkap na asukal, ‘starchy’ o ma-gawgaw na pagkain, pasta, tinapay at kanin, napakarami namang pagkain ang maaari nating kainin na pinanggagalingan ng protein, fat, low-carb food, at ang mga tinatawag na non-starchy vegetables.

Ano ang Keto Diet at Gaano ito ka-epektibo?

Ayon sa mga pag-aaral, ang Keto Diet ay isang klase ng pagdidiyeta na kaunti lamang ang carbohydrates at marami ang fats. Ito ay kilala rin sa tawag na low-carb, high-fat diet. Naihahalintulad ito sa sumikat na diet plan nong 1863 na tinawag na Banting, at Atkins diet naman noong 1972. Ang pagkakaiba lamang ay, mas istrikto ang Ketogenic diet pagdating sa porsyento ng mga pagkain. Ito ay dapat na 75 perent fat, 20 percent protein, at five (5) percent carbohydrates na nanggagaling sa mga non-startchy vegetables.

Dahil kaunti lamang ang carbohydrates na nilalaman ng pagkain at marami ang fat content, bababa ang glucose at insulin sa katawan at ito ay mapipilitang mag-shift sa paggagamit ng tabang naipon o body fats na itinuturing na fuel. Ito ang primary principle ng Ketogenic diet. Ang body fats sa kataway ay natutunaw bilang ketone body. Ang ketone body na ito ay tinatawag ding Acetoacetate. Ito ay natutunaw at nagiging Betayhydroxybutyrate (BHB) at Acetone.

Samantala, ang Acetone ay napupunta naman sa ating bata at nailalabas sa bibig. Ayon sa mga eksperto at mga nakasubok nan g Keto Diet, ang acetone ay malalasahan sa oras na mangyari ang pagtunaw. Ang BHB naman ay siyang nagiging fuel n gating utak, puso at muscles na pumapalit sa glucose.
Masasabing ang isang tao ay nasa ‘state of ketosis’ kung ang kaniyang ketone leels sa dugo ay nasa pagitan ng 0.5 millimolar at 5 millimolar. Ito ay tinatawag ding nutritional ketosis. Karagdagan pa rito, an gating katawan ay nasa ‘fat-burning’ mode hanggang napapanatili nito ang ‘state of ketosis.’

Bakit marami ang gustong sumubok sa keto diet Philippines?

Tanggap na tanggap na nga ng mga nakararaming Pinoy ang Keto Diet Philippines. Ito ay dahil sa napakaraming benepisyong makukuha mula rito. Ilan na sa mga ito ang mga sumusunod:

• Mabilisang pagpayat nang hindi naaapektuhan ang muscles – Isang magandang halimbawa nito ang sikat na basketbolistang si Lebron James. Siya ay nabawasan ng 25 pounds sa loob lamang ng 67 days nang dahil lamang sa Keto diet.
• Pagtanggal ng mga taba o fats – Tinatanggal ng Keto Diet ang fats sa mga lugar ng tiyan lalo na ang napaka-delikadong taba, mukha, baba, at iba pang mga parte ng katawang may taba, maliban na lamang sa tabang matatagpuan sa ilalim ng balat.
• Mas maraming energy at focused na pag-iisip – Tila mas nais ng muscles at utak ang BHB sahil mas nakaka-focus ang pag-iisip kapag sumailalim sa diyetang ito. Hindi rin madaling mapagod kapag ang fuel na gamit ay ketones.
• Pagpapagaling o pagbawas sa sakit na Type 2 Diabetes – Isa ito sa dahilan kung bakit tanggap na tanggap ang Keto Diet Philippines sa Pilipinas. Maraming Pinoy sa kasalukuyan ang may ganitong karamdaman kaya sumubok sila sa ganitong diyeta.
• Nakakaiwas sa banta ng Cardiovascular – Ayon sa mga pananaliksik, ang low-carb diets tulad ng Keto diet ay hindi lamang nakakapagpapayat. Ito ay nakakapagpa-improve din ng risk factor ng cardio vascular ng isang tao dahil sa pagbaba ng Triglycerides at pagtaas naman ng HDL o good cholesterol nito. Marami pang mga pag-aaral kaugnay nito ang nakapagpatunay sa ganitong benepisyo.
• Hindi madalas na pagkagutom – Kapag ang isang tao ay nagke-Keto Diet, siya ay hindi makakaramdam ng madalas na pagkagutom.

Posibeng side effects ng keto diet

Bagama’t proven effective, ang Keto Diet ay posible ring magkaroon ng side effects. Kaya naman mas mainam na alam natin ang mga ito. Nang unang dalhin sa atin ang Keto Diet Philippines, napatunayan ang posibilidad ng side effect ngunit ito ay pansamantala lamang. Kinakailangan ding pagdaanan ang ang isang ‘adaption phase.’ Narito ang mga epektibong epekto at ang paraan kung paano maiiwasan ang mga ito:

• Headache o sakit ng ulo – Ito ay sanhi ng pagkakaroon ng keto flu.
• Keto Flu – Ito ang pinaka-ordinaryong side-effect ng pagke-keto diet sa kadahilanang hindi pa nakapag-a-adjust ang katawan ng isang tao para magamit ang fats na fuel. Para ito ay maiwasan kumain ng mga pagkaing nararapat lamang sa ganitong diyeta.
• Panghihina – ito ay pansamantalang side effect lamang at lilipas din hanggang sa ikaw ay maging fat-adapted na.
• Fatigue – gaya ng panghihina, ito ay temporary side effect lamang at lilipas din hanggang sa masanay na.

Bago umpisahan ang Keto Diet

May mga pag-aara nang naglabasan tungkol sa mga preparasyon bago umpisahan ang Keto Diet Philippines. Dahil tayong mga Pinoy ay mahilig sa kanin at matatabang pagkain, mahalagang malaman kung paano ba nating magagawa ng tama at ligtas ang ganitong klaseng diyeta. Narito ang dalawang paghahandang dapat gawin:

• Huwag katakutan ang taba o fats – Karamihan sa ating mga Pinoy ang takot sa pagkain ng taba. Kaya nga natin naimbento ang salitang ‘putok batok’ sa tuwing makikita natin ang crispy pata, lechon, at chicharon. Pero, lingid sa kaalaman ng nakararami, mali pala ang ganitong paniniwala. Hindi man kapani-paniwala, pero, hindi ipinagbabawal ang mga ganitong pagkain sa ganitong diet.
• Planuhing mabuti ang mga kakainin – Kung unang beses pa lamang susubok sa Keto Diet Philippines, tiyak na hindi ka pa pamilyar sa mga ‘keto foods’ na dapat mong kainin. Napakagandang idea kung magpaplano sa iyong mga kakainin. Halimbawa: Kung nais mong pumayat, kahit huwag nang sundin ang 75-percent fat ration ng kinakain. Kahit mga 30 percent lamang ng fat, ang ibang taba ay magmumula na sa sarili mong fat storage.

Ang artikulong ito ay ginawa para tulungan kang pumayat. Malalaman mo rito ang aking pangunahing sekreto ng sa pagpayat, ang intermittent fasting. Tandaan, ito na yata ang pinaka-mabilis na paraan ng pagpapayat na nasubukan ko!

Ang aking kwento: pagiging payat hanggang sa pagiging pangit na mataba!

Lumaki ako sa isang pamilyang mahirap. kahit pagkain, kulang kami. Nahihirapan ang aking mga magulang noon na itaguyod ang aming pangunahing mga pangangailangan dahil matatanda na sila at walang maaayos na hanap buhay. Ang tatay ko ay nagmamaneho ng padyak, at ang nanay naman ay naglalabada.

Ayaw ko nang ganoong buhay, kaya nagsumikap ako sa pag-aaral nang may kapamilya kami na nag-alok ng tulong. Makalipas ang limang taon ay natapos ko na ang aking pag-aaral at nakapagturo agad sa unibersidad na aking Alma Mater.

May sweldo na buwan-buwan! Nabibili ko na ang mga kailangan ko at ng aking mga kapatid. Nasusunod na rin ang luho ko sa pagkain! Masasarap at matatabang mga pagkain!

Hindi nagtagal, natuto ng pagtatrabaho online kahit nasa bahay lamang, kaya paglipas ng apat na taon ng pagtuturo sa kolehiyo ay nakapag-disisyon na akong magfull-time as online worker noong taong 2014. Nagpakasal na rin kami ng aking kasintahan sa taong iyan. Mas mataas ang kita sa online. Mas matagal na pagtatrabaho araw-araw, mas malaki ang kita!

Pero ang hindi ko namalayan pagdaan ng panahon ay ang unti-unting pagtaba ng aking katawan. Naging stagnant kasi ang buhay ko: kain, upo sa harap ng computer at tulog ang nagging rutina ko limang araw sa isang linggo. Hindi na ako nakakapaglakad-lakad tulad ng dati. Wala na akong panahon sa pag-eehersisyo.

Noong nag-aaral ako, hindi tumataas ng 143 pounds (65 kilograms) ang aking timbang, pero nito lamang nakaraang dalawang taon, umabot ako ng 210 pounds (mahigit 90 kilograms)!

Bukod diyan, nakalulungkot na nadiskobre ko na may diabetes na pala ako at highblood bilang kumplikasyon ng kundisyong ito. Bata pa naman ako para magka-diabetes, pero dahil sa pagpapabaya sa sarili, kailangan ko nang gamutin sa mga sakit na ito.

Ang aking journey sa pagpapayat

Dahil sa masamang pakiramdam na dulot ng diabetes at high blood pressure ay nagsimula akong magbawas ng pagkain (ayaw ko pang mamatay!). Nagsimula na rin akong magwalking at jogging tuwing umaga.  

Taong 2017 noon ng maramdaman ko na maganda ang epekto ng pagjo-jogging sa katawan ko, dahil sa loob ng 3 buwan, nabawasan ako ng 30 pounds! Epekto iyan ng estriktong one cup of rice policy at paggising ng 4:30 ng umaga at pag-jogging ng dalawang oras araw-araw.

Mahirap i-maintain ang ganitong schedule pero sa tingin ko noon ay sulit naman kasi talagang bumaba ang blood sugar at blood pressure ko. Maganda rin ang pakiramdam ko sa sarili ko. Kaya kahit nakakatamad gumising ng umaga at nakakagutom ang magdiet ay talagang pinanindigan ko na.

Pero dumating na ang tag-ulan, naging mahirap para sa akin ang gumising ng maaga para makapag-jogging. Tinamad din akong mag-diet ng sunod-sunod na tinamaan ng sakit ang baby namin na noon ay dalawang taon pa lamang. Sa madaling salita, sa loob lamang ng tatlong linggo na walang jogging at diet, lumobo ulit ako sa 100 Kg na timbang. Sayang ang pinaghirapan ko! Nawalan  na ako ng gana!

Sumubok din ako ng iba’t ibang slimming tea, lalhat na siguro na nakadisplay na tsaa sa botika ay nasubukan ko na, pero walang epekto!

Bumalik lahat ang mga kinaiinisan ko, pagiging mataba, maitim ang leeg, panghihina dahil sa mataas na blood sugar at pagiging highblood! Nagtagal yan ng mahigit isang taon hanggang sa may nadiskubre akong isang kakaiba ngunit kapanipaniwalang paraan ng pagbabawas ng timbang!

September 2018 noon ng pumunta ako sa uncle ko na nagpaaral sa akin sa college para makahingi ng dahon ng insulin plant, isa rin kasi siyang diabetic at nagmemaintain rin ng kanyang blood sugar.

Sinabi ni uncle na nakadiskubre siya ng bagong technique para sa weightloss sa internet. Itinuro niya iyon sa akin, at masayang masaya ako dahil nakinig ako sa kanya.

Gusto mong malaman kung ano ang itinuro niya? Ituturo ko rin sa’yo!

Ang epektibong paraan ng pagpapayat

Itinuro niya sa akin ang tinatawag na intermittent fasting, isang paraan na matagal na palang kinababaliwan ng mga banyaga sa internet.

Tandaan, hindi ito pagbabawas ng pagkain, isa itong uri ng fasting na naka-focus sa timing ng pagkain. Sa intermittent fasting, hindi mo kailangang magbawas ng pagkain mo, pwede mong kainin ang lahat ng gusto mo, kagaya ng dati mo nang kinakakain. Pero sa paraang ito, palalawigin mo ang panahon na hindi ka kakain ng anuman.

Halimbawa, pinili ko ang tinatawag na 16/8 fasting. Ibig sabihin 16 oras akong dapat na hindi kumakain, fasting time ang tawag diyan. Pero pwede naman akong kumain hanggat gusto ko sa loob ng walong oras na natitira, tinatawag naman itong feasting time. Ang issue nalang ay kung anong time window ang pipiliin mo.

Pinili kong magfeasting mula alas-dose ng tanghali hanggang alas-otso ng gabi, magmula sa oras na iyan ay hindi ka ako kumakain ng anuman. Kung bibilangin, matatapos ang fasting mo na 16 oras eksaktong alas-dose ng tanghali kinabukasan. Kung iisipin, agahan o breakfast lang naman ang naisakripisyo mo!

Ang resulta ng aking intermittent fasting

Noong unag tatlong araw, parang hindi ko naman ramdam ang epekto nito, kung sabagay, breakfast lang naman ang nawala sa akin, nababawi ko naman sa pananghalian ang gutom ko kaya ayos lang.

Pero makalipas ang pitong araw, napansin ko na lumawag ng isang pulgada ang aking sinturon, takang-taka ako ng resultang ito! Sunod na linggo, isang pulgad na naman ang nabawas. Ito na ang panahon na napapansin na ng mga kasama ko sa bahay at mga kaibigan ko ang pagliit ng mukha at tiyan ko.

Syempre, masayang masaya ako sa achievement ko, marami sa mga pinsan ko ang tanong ng tanong, ano bang sekreto mo? Kaya ikinikwento ko sa kanila ang aking bagong technique.

Makalipas ang isang buwan, October 2018 na, tumimbang na lamang ako ng 70 Kg. maliit na ang mukha ko di tulad ng dati, maliit na rin ang tiyan ko! Marami na rin sa mga kakilala ko ang gumaya na rin sa akin. Manghang-mangha sila sa epekto sa akin!

Intermittent fasting: Ang siyensiya sa likod ng pagpayat

Bakit nga ba epektibo ang intermittent fasting? Narito ang paliwanag ng mga dalubhasa:

Ang pagiging epektibo ng intermittent fasting ay ang nakadepende sa pagkain ng marami sa isang pagkakataon. Limitado lamang kasi ang calories na kayang i-absorb ng katawan, kaya kahit gaano karami ang kainin mo, bilang lamang ang calories na kukunin ng katawan mo.

Ayon sa mga dalubhasa, ang paraang ito ay bagay sa mga taong malakas kumain, tulad ko. Noon, hindi ko talaga binibilang kung ilang beses ako kumakain araw-araw. Tapos magtataka ako kung bakit parang lalo akong tumaba.

Sa panahong fasting ako, hindi ko masyadong ramdam ang gutom kasi nga hindi ko naman binawasan ang pagkain ko, imbes, dinamihan ko pa nga.

Sa mga oras na hindi tayo kumakain, tinutunaw ng katawan natin ang fats na nakatago sa mga taba ng katawan para gawing energy. Ito ang tinatawag na ketosis. Iyan ang ginagawa natin sa intermittent fasting, imbes na gamitin ang fats na nasa pagkain para maging lakas,  ginagamit ng katawan natin ang stored fats. Kaya sa pagdaan ng mga araw, mapapansin mong pumapayat ka na!

Intermitent fasting at fiber-rich na diet: perfect combination!

Dahil sa intermittent fasting, na-achieve ko ang timbang na pinapangarap ko. Pero hindi rin nito napababa ang blood sugar ko. Palagi paring tumataas ang aking presyon. Kaya naghanap pa rin ako ng solusyon sa problema kong ito.

Imunungkahi rin ni uncle na magbawas ako ng kanin. Sinabi niya na ang calories ay maaari ring makuha sa ibang uri nang pagkain kaya pwede kong bawasan ang pagkain ng kanin. Kaya mula noong kalagitnaan ng October 2018, lubusan ko nang inalis ang kanin sa hapunan ko.

Kumakain ako ng maraming gulay, kadalasan ay ginisang sitaw gabi-gabi. Iyan na ang naging pamalit ko sa kanin. Isda o karne ang aking ulam. Ang kagandahan ng diet na ito ay napansin kong  naging regular ang aking pagdumi. Paggising ko, go agad!

Makalipas ang isang linggo, naramdaman kong bumaba na ang aking blood sugar. Bihira na ring tumaas ang presyon ko.

Dahil dito, desidido akong ipagpatuloy ang kumbinasyong ito ng pagpapapayat.

Ehersisyo  kasabay ng fasting at diet

Habang tumatagal, napapansin kong nawawala rin ang mga muscles ko sa dibdib balikat, braso at binti kasabay ng aking pagpayat.

Kaya naisipan kong ipagpaltuloy ang aking naudlot na walking schedule, ngayon ay 30 minuto na lang every other day.

Nagresearch din ako ng weight exercises para sa dibdib, mga braso at likod, balikat at mga binti. Ginagawa ko ito alternately.

Narito ang aking daily routine. Ito ay tumatagal ng 30-45 minutes bawat araw. Pakihanap na lang sa YouTube kung paano isinasagawa ang mga exercises na sasabihin ko.

Lunes:

• Walking ng 30-45 minutes

Martes:

• Jumping jack – 30 counts, 3 ulit
• Push ups – 15 counts, 3 ulit
• Bench dips – 15 counts, 3 ulit

Myerkules :

• Walking ng 30-45 minutes

Huwebes:

• Jumping jack – 30 counts, 3 ulit
• Dead lift – 15 counts, 3 ulit
• Bicep curl – 15 counts, 3 ulit

Byernes:

• Walking ng 30-45 minutes

Sabado:

• Jumping jack – 30 counts, 3 ulit
• Military press – 15 counts, 3 ulit
• Arnold press – 15 counts, 3 ulit
• Front delts – 15 counts, 3 ulit
• Side delts – 15 counts, 3 ulit
• Rear delts -15 counts, 3 ulit
• Squat – 15 counts, 3 ulit
• Butt kicks – 15 counts, 3 ulit

Linggo: Araw ng pahinga

Bagaman hindi pa isang buwan magmula ng pagsabay-sabayin ko ang intermittent fasting, pagbawas ng kanin at ehersisyo, nakikita ko sa resulta nito na mas mabilis ang aking pagpayat at paglitaw ng mga muscles.

Hindi ako mabilis mapagod ngayon tulad ng dati at mas nakapagpo-focus ako sa trabaho ko.

Dahil dito ay disidido akong ipagpatuloy ang aking ginagawa, saw akas, nadiskubre ko na rin ang routine na makakatulong sa akin na ma-maintain ang aking timbang at itsura!

Gusto mo bang pumayat ng mabilis sa natural na paraan para sa isang importanteng event sa buhay mo ngunit hindi mo alam kung paano ka magsisimula?

Tuturuan kita ng iba’t ibang paraan ng mabilis na pagpapayat o pagbabawas ng timbang!

Ano ang mga pakinabang ng pagbawas ng timbang?

Ang pagbawas ng sobrang timbang ay makapagbibigay saiyo ng masarap na pakiramdam, pisikal man o emosyonal. Ang pakiramdam na ito ay ang susi sa pagkakaroon ng malusog at mahabang buhay. Lalo na kapag nalaman mo na hindi mo kailangan magbawas ng malaking timbang para makamit ang malusog na pangangatawan.

Alam mo bang ang 5% hanggang 10% na nabawas na timbang mula sa orihinal mong bigat ay maaari ng makapagbigay saiyo ng maraming benepisyo sa kalusugan? Narito ang ilan pang mga halimbawa ng magandang mga benepisyong hatid ng tamang timbang:

• Ang mga taong may mataas na presyon ng dugo na nakapagbawas ng 10 pounds sa loob ng mahigit 6 na buwan ay may malaking parte sa pagkakaroon ng normal na presyon ng dugo. Ito ay halos kaparehas ng epekto ng pagamot gamit ang medesina. Nakatipid ka na, wala pang side effects.
• Ang pagbawas ng timbang ay napaka epektibo sa mga taong may high blood pressure. Sa pamamagitan nito, hindi na kailangan pa ng maintenance na gamot para sa presyon ng dugo. Kailangan na lamang panatilihin ang wastong timbang.
• Ayon sa pagaaral, ang mga taong may type 2 diabetes at nakapagbawas ng 7% ng timbang sa loob lamang ng 30 minutong ehersisyo ay nababawasan ang panganib ng diabetes. Nababawasan ang panganib na ito ng halos 60%. Kaya naman maraming nagtatanong kung paano magbawas ng timbang ng mabilis.

Ang wastong timbang ay masarap sa pakiramdam!

Maraming hatid na benepisyo ang pagbabawas ng timbang. Bukod sa malaking epekto nito sa kalusugan mo, marami rin itong hatid na positibong pakiramdam sa buhay mo. Maraming pinoy ang nahihilig sa ibat ibang paraan ng pagpapayat, katulad ng diyeta, ehersisyo, pills, at marami pa para lamang makamit ang mga benepsiyong ito:

Maayos na paghinga

Maraming pinoy ang may wastong timbang ang hindi nahihirapan sa paghinga. Kapag malusog ang timbang mo, kaunting ehersisyo mo lang ay hindi ka mahihirapan sa paghinga anumang pisikal na aktibidad ang gawin mo.

Mabilis kang gumalaw

Kapag payat ka, mabilis kang makakagalaw, mabilis mong matatapos ang mga simpleng trabaho. Mga abilidad na hindi mo magagawa kapag sobra ang timbang mo. Kailangan mo lamang panatilihin ito upang maging produktibo ka sa maraming bagay.

Magkakaroon ka ng masarap na tulog

Kung iisipin, parang wala naman koneksyon. Pero ang pagtulog, paghilik, at pagbaba ng timbang ay may pagbabahagi sa isang relasyon. Malakas ka bang humilik? Natural ito sa matataba. Kapag nagbawas ka ng timbang, magkakaroon ka ng masarap na pagtulog at mawawala ang paghilik mo.

Mas lalakas ang iyong memorya

Kung nahihirapan kang mag memorya ng pangalan mga tao. Maaari mo itong isisi sa sobrang taba saiyong katawan. Sa isang pagaaral, ang isang taong nagbawas ng timbang at nagsagawa ng memory test, mas maganda ang naging resulta kumpara sa isinagawang test bago pa ito nagbawas ng timbang.

Mababawasan ang panganib na magkakanser ka

Paano magbawas ng timbang ng mabilis? Kung mababawasan naman ang panganib na magkakanser ka bakit hindi? Ang paginom ng alak at paninigarilyo ay mga pangunahing sanhi ng kanser, ngunit kukunting mga tao lamang ang may alam na ang obesity o sobrang taba ay malaking ugnayan sa sakit na kanser.

Paano magbawas ng timbang ng mabilis: 3 madaling hakbang!

Maraming paraan kung paano magbawas ng timbang ng mabilis, ang problema, karamihan sa mga paraang ito ay magugutom ka at sasakit ang ulo. Sa huli, hindi ka pa rin ito sapat. At kung wala kang fighting spirit kung tawagin sa ingles, mauuwi lang sa pagbagsak at pagkadismaya ang layunin mong magpapayat.

May tatlong plano akong ituturo saiyo:

1. Tuturuan kitang pumayat sa pamamagitan ng pagbawas ng iyong gana sa pagkain
2. Sa pamamagitan nito, mabilis kang papayat pero hindi ka magugutom
3. Mapapanatili rin ang malusog mong metabolismo sa kabila ng kawalan mo ng apetite

Narito ang 3 paraan kung paano magbawas ng timbang ng mabilis:

Bawasan mo ang asukal at carbohydrates

Ang unang hakbang na ito ang pinaka-mahalaga sa lahat. Kapag ginawa mo ito, bababa ang lebel ng iyong pagkagutom at magiging resulta nito ang pagbawas rin sa pagkain mo ng kaloriya. Ang mangyayari, sa halip na magsunog ka ng carbs gamit ang lakas o enerhiya mo, ang sobrang taba sa katawan mo ang gagawa nito.

Isa pang benepisyo ng ng pagbabawas ng karbohidrata ay pinapababa rin nito ang lebel ng insulin sa katawan mo. Kapag nangyari ito, magpapalabas ang kidney ng mga sobrang sodium at tubig mula sa kanya. Dahil dito, babawas ang timbang mo sa pamamagitan ng pagkawala ng water weight. Sa madaling sabi, ang pagbawas ng asukal at krbohadrita sa katawan mo ay nakaka bawas gana sa pagkain, at nakaka bawas rin ng lebel ng insulin.

Kumain ng protina, mabuting taba, at mga gulay

Para magawa mo ito, siguraduhin mong bawat pagkain mo ay meron ang tatlong ito. Ang paghanda ng ganitong pagkain ay magreresulta sa otomatikong pagbawas ng carbohydrate sa katawan mo. Saan ba makukuha ang mga protinang ito? Sa karne, makakakuha mo ang protina sa baka, manok, baboy, at tupa. Salmon at hipon naman sa mga isda at iba pang pagkaing dagat. Sagana rin sa protina ang itlog.

Ayon sa pagaaral, ang mataas na protinang diet ay makakabawas sa madalas na pagkagutom. Ibig sabihin, mababawasan ang kinakain mo sa araw-araw sa paraang hindi ka magugutom. Hindi ba napakaganda nito? Nabanggit ko ang gulay tungkol dito, ano-anong mga gulay sa tingin mo ang tinatawag na low-carb vegetables? Ang brokoli, pipino, kamatis, repolyo, lettuce ay iilan lamang sa mga gulay na mababa sa carbs. Ang maganda sa mga gulay na ito, kahit gaano karami ang kainin mo nito ay hindi ka tataba.

Saan naman makukuha ang mabuting taba? Makukuha mo ito sa butter, coconut oil, olive oil, at avocado oil. Dagdag kaalaman, sanayin mo rin ang sarili mong kumain ng mabagal. Isa rin ito sa mga sekretong paraan kung paano magbawas ng timbang ng mabilis.

Mag ehersisyo ka tatlong beses sa isang linggo

Kung mapapansin mo sa unang bahagi, hindi kasali ang ehersisyo sa planong ituturo ko saiyo. Gayunpaman, rekomendado ito kung gusto mo talagang pumayat ng mabilis. Pinaka epektibong paraan ay ang pagpunta sa gym tatlong beses sa isang linggo. Makakabuti rin ang paghingi ng advice sa isang gym instructor. Alam mo bang sa pag eehersiyo ay mabilis kang makakapag sunog ng kaloriya at taba? Ang magandang balita pa nito, hindi rin bababa ang metabolismo ng katawan mo.

10 tips para mas mapabilis ang pagbawas ng timbang

Mahalagang isaisip ang tatlong paraang natutunan mo. Ngunit, para mas mapabilis ang pagbawas ng timbang, hindi lang ito ang dapat mong gawin. Kailang mo ng ekstrang sakripisyo. Narito ang sampong simpleng tips na makakatulong saiyo kung paano magbawas ng timbang ng mabilis:

1. Kumain ng agahan na sagana sa protina. Ayon sa mga pagaaral, ang pagkain ng agahan na high protein ay nagreresulta ng pagkabawas ng gutom sa loob ng buong araw. Kagaya ng nabanggit, ang itlog ay mayaman sa protina.
2. Iwasan mo ang mga matatamis na inumin. Dahil nga ang asukal ay isang rason kung bakit sobra ang timbang mo, kailangan mo talagang iwasan ito alang-alang sa layunin mong magbawas ng timbang.
3. Uminom ka ng tubig kalahating oras bago kumain. Ayon sa pagaaral, ang paginom ng tubig kalahating oras bago kumain ay nakakatulong sa pagbawas ng timbang ng 44% sa loob lamang ng 3 buwan.
4. Pumili ng mga pagkaing nakakabawas timbang. Kung inaakala mong lahat ng pagkain ay nakakataba, nagkakamali ka. Maraming pagkain rin ang nakakabawas ng timbang. Kabilang rito ang mga berdeng gulay, salmon, baka, dibdib ng manok, at marami pang iba.
5. Uminom ka ng soluble fiber. Maraming pagaaral ang nagsasabi na ang paginom ng soluble fiber ay nakakabawas ng taba lalo na sa tiyan. Ang fiber supplements na katulad ng glucomannan ay makakatulong saiyo.
6. Uminom ka ng kape at tsaa. Mahilig ka ba sa kape at tsaa? Kung ganun ipagpatuloy mo lang ang paginom nito kung gusto mong magbawas ng timbang. Isang pagaaral ang nagpatunay na ang paginom ng kape at tsaa ay nakakapag pabilis ng iyong metabolismo.
7. Kumain ka ng mabagal. Kagaya ng nabanggit ko, epektibo ang paraang ito. Maraming pagaaral ang nagpapatunay na ang mga taong mabibilis kumain ay karaniwang nauuwi sa pagtaba o pagbigat ng timbang.
8. Imonitor ang timbang mo araw-araw. Malaki ang nagiging epekto ng paraang ito sa mentalidad ng isang taong gustong pumayat. Ang pagsagawa pala nito ay nakaka dagdag motibasyon sa isang taong gustong magbawas ng timbang.
9. Magkaroon ka ng sapat na tulog. Ang kakulangan sa pagtulog ay isa sa mga risk factor ng pagtaba ng isang tao. Ito ang patunay ng isang pagaaral. Kaya naman bigyan mo ang sarili mo ng sapat na panahon para sa mahimbing na pagtulog. Lalo na sa gabi.

Ang lahat ng nabanggit ay tiyak na makakatulong saiyo basta’t sundin mo lamang ito at isagawa ng maayos. Ang pagbabawas ng timbang ay hindi madali, gawin mo ito ng may kagalakan upang magtagumpay ka.

Hirap ka bang kumilos at madaling hingalin dahil malaki ang iyong tiyan? Naghahanap ka ba ng mabisang paraan kung paano paliitin ito? Ang artikulong ito ay magbibigay saiyo ng kaalaman kung ano ang sanhi ng paglaki ng tiyan, paano pumayat ang tiyan ng mabilis, at ano ang mabisang pampapayat ng tiyan.

Ano ang sanhi ng paglaki ng tiyan?

Paano magpaliit ng tiyan? Bago natin ito talakayin, mahalagang malaman mo muna kung ano ang sanhi ng paglaki ng tiyan. Delikado ba ito para sa kalusugan? Ano-ano ang puwedeng masamang idulot ng pagkakaroon ng malaking tiyan ng isang tao?

Iba’t iba ang sanhi ng paglaki ng tiyan. Mayroong malaki ang tiyan dahil sa obesity o sobrang pagtaba (over weight), mayroon din namang may impeksyon sa tiyan katulad ng pagkakaroon ng bulate at iba pang internal parasites. Ngunit nangunguna sa rason kung bakit malaki ang tiyan ay ang kakulangan sa ehersisyo ng isang tao. Kapag limitado ang galaw ng katawan, bumabagal ang metabolismo nito kaya nahihirapan sa pagtunaw ng pagkain ang ating digestive system. Kung kaya ang hindi kaagad natutunaw na pagkain ay nagiging taba o fats partikular sa tiyan.

Alam mo bang mayroong masamang idinudulot ang paglaki ng tiyan na maaaring makaapekto sa pang araw-araw mong trabaho? Narito ang ilan sa mga karaniwang dinaranas ng taong malaki ang tiyan:

• Nahihirapan dumumi o bihirang dumumi
• Palaging ututin dahil sa hangin sa loob ng tiyan
• Palaging puno ang tiyan o busog
• Minsan ay nahihirapan huminga
• Madalas hingalin at madaling mapagod
• Mabigat ang katawan at mabagal maglakad
• Kung minsan ay walang gana sa pagkain o kulang sa apetite

Ngayong malinaw na saiyo ang masamang epekto ng paglaki ng tiyan, alamin na natin kung paano mag paliit ng tiyan at ano ang mabisang paraan para paliitin ito. Magpatuloy lamang sa pagbabasa.

Paano magpaliit ng tiyan: Mabisang pampapayat ng tiyan

Tinalakay sa unang bahagi ng artikulong ito ang masamang epekto ng paglaki ng tiyan. Kung ikaw ay kasalukuyang biktima ngayon ng pagkakaroon ng malaking tiyan, makakatulong saiyo ang mga ibibigay kong tips kung paano paliitin ito. Sundin lamang ng maayos ang mga sumusunod na ito:

Paliitin ang tiyan gamit ang wastong exercise:

• Push-ups at sit ups – Malaki ang naitutulong ng dalawang exercise na ito sa pagpaliit ng tiyan. Ugaliin lamang ang pagsagawa nito tuwing umaga o kahit anong oras.
• Bicycle – Tinatarget ng bicycle ang upper at lower abs, ang oblique muscles, at ang muscles sa likod. Humiga sa iyong likod at mag pedal sa ere ng nakaangat ang paa. Itaas ang isang balikat at umakma na aabutin ang opposite knee. Gawin ito ng pinapanatili ang lower back sa sahig.
• Planking – Halos magkatulad ang posisyon ng push up at planking, magkakaiba lamang sa hakbang kung paano ito gagawin. Sa halip na ibaluktot ang braso at ibaba ang katawan, gawin ang push up position ng naka-extend ang iyong braso. I-hold ang posisyon sa loob ng tatlumpung segundo at unti-unting magdagdag ng 10 second bawat araw depende sa kaya mong gawin. Malaki rin ang maitutulong ng exercise na ito sa pagpaliit ng tiyan.
• Pagtakbo o pag jogging – Ang pagpapawis dahil sa pagtakbo o pag jogging ay siyang sumusunog sa mga excess fats o sobrang taba ng katawan ng isang tao, at pangunahing benepisyo nito ang pagliit ng tiyan. Ugaliin lamang ang pag takbo o jogging tuwing umaga paggising.
• Squats – Ang squats naman ay mabisa sa pagpapatibay ng iyong hita, binti, at balakang. Isa din ito sa mga pangunahing ehersisyo na nagbibigay sa atin ng isang magandang body figure dahil tumutulong itong bigyang hugis ang ating katawan at pagbabawas ng taba, lalong lalo na sa tiyan.

Mga Tips kung paano pumayat ang tiyan ng mabilis

Naiinip ka ba dahil matagal ang proseso sa pagpapaliit ng tiyan? Ganyan talaga, mahirap at kailangan ng matinding disiplina at determinasyon. Kabaliktaran ito ng pagpalaki ng tiyan kung saan ay madali, masarap, at walang kahirap-hirap. Para makatulong at magkaroon ng solusyon ang iyong problema, Naghanda ako ng mga tips kung paano pumayat ang iyong tiyan ng mabilis. Sundin lamang ang mga sumusunod na ito:

• Uminom ng maraming tubig at magkaroon ng sapat na tulog araw-araw.
• Huwag maging tamad! Tumulong sa mga gawaing bahay upang mabanat ang iyong katawan.
• Iwasan ang pagtulog kaagad matapos kumain, sa halip ay tumayo at maglakad lakad ng ilang minuto.
• Kung mayroong hagdan ang iyong bahay, gawing libangan ang pagakyat at pagbaba sa hagdan tuwing walang ginagawa.
• Bawasan ang sukat ng iyong kinakain. Lalong lalo ang kanin o rice.
• Maging aktibo sa sports. Ang paglalaro ng basketball, swimming, pagtakbo at iba pang physical activities ay makakatulong na mapabilis ang pagliit ng iyong tiyan.
• Umiwas sa stress. Ayon sa pagaaral, isa sa pangunahing sanhi ng obesity lalo na sa mga kababaihan ay ang stress.
• Iwasan ang maupo ng matagal. Kung ang iyong trabaho ay sa harap ng kompyuter at palaging nakaupo, ugaliin ang pag stretching tatlong beses sa isang araw.
• Iwasan ang masasamang bisyo katulad ng paginom ng beer at alak.

Sundin lamang ang mga nabanggit na tips kasabay ng wastong exercise at tinitiyak ko saiyo na mapapabilis nito ang pagliit ng iyong tiyan.

Wastong diet: Epektibong paraan kung paano magpaliit ng tiyan!

Malaki ang epekto ng uri ng lifestyle meron ang isang tao pagdating sa kalusugan nito. Kaya masasabi kong ang wastong diet ang pinaka epektibong paraan sa pagpapaliit ng tiyan. Ang bagay na ito ay sinangayunan ng mga doktor at physical experts. Paano magpaliit ng tiyan? Kumain ng maraming gulay at prutas na mayaman sa fiber. Sabayan ito with proper exercise at talikuran na ang mga nakasanayang bad habits katulad ng paginom ng alak, paninigarilyo at pagpupuyat. Iwasan na rin ang pagkain ng mga masebo at matatabang pagkaing mayaman sa cholesterol. Sa halip ay kumain ng mga pagkaing mayaman sa protina kagaya ng itlog, karne, mga isdang dagat katulad ng tuna, salmon, at mackerel. Maganda ang protina sa katawan ng tao lalong lalo na sa muscle development. Linalabanan ng protina ang fats o taba sa ating katawan at pinapalitan ito ng muscles.

Ang ehersisyong paglangoy ay isa sa pinakamabuting uri ng ehersisyo na maaari mong isali sa iyong pang-araw-araw na eskedyul.

Ang paglangoy ay nagpapagalaw sa bawat kalamnan sa katawan at marami ang nasiyahan at ito ay isang bagay na babalik-balikan sa araw-araw. Kung ikaw ay naghahanap ng paraan ng pag-eehersisyo na maaari mong ipagsama na parehong masaya at mabuti para sa katawan, ang paglangoy ang pinakamainam na iyong piliin.

Ang pagsali sa pag-eehersisyo sa iyong pang-araw-araw na eskedyul ay isang importanteng bahagi sa pagpapanatili ng iyong kalusugan at makatutulong sa iyo upang mapanatiling magmukhang bata at mas malakas. Malaking pakinabang ang makahanap ng isang uri ng ehersisyo na masaya at iyong binabalik-balikan para sa pinakamalusog na pakinabang sa iyong buhay. Ang paglangoy ay masayang libangan para sa karamihan at ito ay maaaring maging magaling na pang-udyok sa mga tao upang mag-ehersisyo.
Ang ehersisyong paglangoy ay maaaring gawin sa gym na may pool upang makapaglangoy sa buong taon. Ang mga nasiyahan sa paglangoy sa sarili nilang mga pool para mag-ehersisyo ay maaari ring sumali sa isang health club upang makapaglangoy pa rin sila kahit na ang panahon ay hindi magpahintulot sa iyo na lumangoy sa labas. Ang pool sa loob ng gym ay magpahintulot sa iyo na makapaglangoy kahit sa mayroong snow at yelo sa lupa.

Ang paggamit ng ibat-ibang paraan ng paglangoy ay magpahintulot sa iyo na mapokus sa partikular na kalamnan sa iyong katawan. May mga paraan ng paglangoy na gumagamit ng lahat ng kalamnan at ito ay maaaring maging matinding ehersisyo para sa iyo. Kung titingnan, ang pagalangoy ay hindi mahirap na ehersisyo, ngunit ito ay isa sa nakapaligid na mga ehersisyo na maaari mong gawin.

Ang ehersisyong paglangoy ay maaaring maging isang bahagi sa ibat-ibang kinagawiang ehersisyo. Kung minsan may pakinabang ang pagsali ng ilang ibat-ibang uri ng ehersisyo sa kinaugaliang gawain upang maiwasan ang pagkabagot. Ang paglangoy ay mabuting piliin minsan sa isang linggo at isama sa weight training, aerobics, pagtakbo, pagbibisekleta at iba pang gawain. Ang pag-iba-iba ng ehersisyo ay isang magaling na paraan upang ang pag-ehersisyo ay maging masaya at kaabang-abang.

Sa lahat ng ehersisyo na maaari mong isali sa iyong kinagawian, isang mabuting ideya ang pagsali ng maraming ehersisyo hanggang sa makakaya. Ang ehersisyong paglangoy ay talagang mabuti para sa iyong katawan at talagang iyong babalik-balikan sa gym. Ito ay masaya at marami ang nakapagsabi na ang paglangoy ay hindi nakasisira o matigas sa kanilang kasukasuan.

Ang mga matatanda ay maaaring magsali ng ehersisyong paglangoy sa kanilang kinagawian upang mapatuloy ang pag-eehersisyo kahit na sila ay naghihirap dahil sa arthritis o iba pang karamdaman sa kasukasuan. Ang pag-aerobics sa tubig ay isa ring paraan na ang ay maaaring isama sa kinagawiang ehersisyo upang maging mas masiyahan at maging pagsasanay sa lakas ng iyong katawan.

The post Ehersisyong Paglangoy para sa iyong Kalusugan first appeared on Mataba Ako!.

Pagkatapos manganak, gusto mong mawala ang iyong bilbil na nkuha mo sa pagbubuntis. Matapos gumaling sa panganganak, ang pangunahing nasa isip mo ay kung paano maibabalik ang dating katawan bago pa man mabuntis. Pero maaari mong mabawasan ang timbang na nakuha mo sa pagbubuntis kung susundin mo ang mga sumusunod na simpleng plano. Ang mga gabay na ito ay kinakailangang gamitan ng exercise ball, high intensity cardio at pinagbuting programa sa pagdidiyeta. Sa loob lamang ng dalawang linggo maari nang mabawasan ang bilbil na nakuha mo sa iyong panganganak.

Paano mawala ang bilbil?

Una sa lahat, sa pagbabawas ng bilbil, kailangan mong bumili ng exercise ball. Nagkakahalaga ito ng humigit kumulang sa P2,000 sa mga sporting goods store. Karamihan sa mga babae ay gugustuhin ang 22 pulgadang bola. At kung ikaw ay may taas na 5’1, bilhin ang bolang may 18 pulgada ang sukat at kung may taas ka naman na 5’8, mas bagay sa’yo ang 26 na pulgada ang laki. May mga pag-aaral mula sa Sacramento State University na nagpapakita na ang mga taong gumagamit ng exercise ball ay nakakalikha ng dobleng paghubog ng kalamnan kaysa sa normal na pagbabaluktot ng katawan. Kung makikita mo, mas mapabibilis nito ang pagtanggal ng bilbil mo, kaya gugustuhin mong magkaroon nito.

Napakaraming mga pamamaraan ng pag eehersisyo na ginagamitan ng exercise ball, pero may ilan sa mga ito ang ibabahagi ko sa higit na makakatulong sa pagtatanggal ng bilbil. Ang una ay pabaliktad na pagbaluktot ng katawan. Habang nakahiga, ipitin ang bola sa pagitan ng iyong mga binti at buhatin ito ng 3 hanggang 6 na pulgada ang taas mula sa sahig. Panatilihing nakataas sa loob ng isang segundo, ibaba at muling itaas. Ang pangalawa ay ang rock and roll. Lumuhod ka at ilagay ang siko sa bola. Iangat ang iyong katawan hanggang sa nakatingkayad kana ng 45 degrees sa mula sa sahig. Panatilihin ang ganitong posisyon, mag-relaks, at ulitin.

Ang cardio ay importante rin sa planong ito. Subukang isagawa ang 45 minutong ehersisyong makakabuti para sa puso tatlong beses sa isang linggo sa pagtatanggal ng bilbil. Maari kang maglakad, tumakbo, magbisekleta, o gumamit ng cardio machine sa gym. At ang huling paraan ay ang pagpapanatili na tama ang iyong pagkain. Subukang kumain ng 500 na kaloriya higit na mas mababa kaysa sa kinakailangan mo para mapanatili ang iyong timbang. Halimbawa, ang isang 5’1 na 28 anyos na may bigat na 140 lbs. na babae ay nangangailangan ng 2400 na kaloriya para mapanatili ang kanyang timbang. Kinakailangan lamang niya ay 1900 na kaloriya sa loob ng dalawang linggo sa pagsasagawa ng programang ito.

Ang paghahanap ng mga paraan upang mabawasan ang kaloriya sa loob ng maikling panahon ay lubos na napakadali kaysa sa naiisip mo. Halimbawa, sa pag-gawa ng latte na may skim kaysa sa isang purong gatas ay makakaiwas sa 120 na kaloriya. Mabubuhay ka na sa ganyan sa loob ng dalawang linggo, hindi ba? Ang ilan pang pagpapalit ay ang pagkain ng popcorn kaysa potato chips (makakaiwas sa 95 na kaloriya) at pagpapalit sa isang tasang hiniwang strawberries at isang tasang fat free vanilla yogurt sa iyong tradisyonal na fruit on the bottom yogurt cup (makakaiwas sa 105 na kaloriya). Gawin ang 4 o 5 mga  pamalit na ito kada araw at ikaw ay patungo na sa ninanais mong pagkawala ng iyong bilbil.

Kapag may bagong silang na sanggol sa bahay, Mahihirapan kang makakuha ng oras upang makahanap ng ehersisyo at programang pangdiyeta na naayon sa para sa iyo. Ngunit, kung gusto mo talagang mawala ang bilbil mo dahil sa panganganak, maaari mong sundin ang mga rutinang ito at maibabalik ang dati mong katawan sa loob lamang ng dalawang linggo.

The post Exercise Ball-Nakatutulong na Mawala ang Bilbil mula sa Pagbubuntis first appeared on Mataba Ako!.

Ang mga kagamitang pang ehersisyo na pang bahay ay nagbibigay sa’yo ng pagkakataon na makapagehersisyo ng pribado sa anumang oras mong gustuhin.

Para sa iba, ito ay susi sa pag- eehersisyong nababagay sa pangaraw-araw. Maraming Gym na bukas ang ‘di naaayon sa oras ng iba at madalas hindi na sila nakakapunta dahil sa  trabaho. Ang pagkakaroon ng kagamitang pang-ehersisyo sa bahay ay  maganda dahil maari mo itong magamit sa oras na gustuhin mo at mapanatili  ang magandang pangangatawan sa araw-araw.

Karamihan sa mga pangehersisyong ito ay alternatibong gamit para sa mga araw na hindi ka makalabas upang makapagehersisyo. Kung ikaw ay jogger at maulan sa labas, maari itong maging dahilan ihinto ang pagtakbo sa araw na iyon. Dahil sa paghinto maaring magpatuloy ito sa isa pang araw at sa mga susunod pa hangang mamalayan mo na lamang na nakalipas na pala ang isang buwan. Sa pagkakaroon ng treadmill sa bahay ay mawawala ang dahilan mong lumiban sa pagtakbo kahit masama ang panahon.

Ang gym ay isang magandang lugar para magehersisyo, pero may mga pagkakataong marami ang tao at mahirap makagamit ng gamit pangehersisyo na gusto mo. Ang mga kagamitang pangehirsisyong pangbahay ay nakakatulong din sayo para iwasan ang mga gulo sa loob ng gym. At mas pribado ito kaysa sa gym. Kung ikaw ay baguhan lamang sa pageehersisiyo, ang huling bagay na gagawin mo ay maipakita na hindi maganda ang iyong pangagatawan sa isang lugar na puno ng tao.Ang pag eehersisyo sa bahay ay nakakatulong upang mapanatili mo ang iyong dignidad sa sarili at  kung saan namamasdan mo ang pagbabago sa iyong sarili na hindi nahahatulan ng iba.

Pumili ng kagamitang pang ehersisyo na tiyak na gagamitin mo. Marami kasing mga tao na bumibili nito na may magandang intensyon pero sa loob ng ilang linggo ay hindi na gagamitin. Kaylangan patuloy mong gamitin ang gamit kung gusto mo itong umipekto sa’yo.

Ang gym sa bahay ay mas tipid kaysa sa pagpapamiyembro sa isang gym. Ang pagbili ng gamit pang ehersisyo ay minsan lang, subalit ang bayad sa pagpapamiyembro sa isang gym ay madalas. Kung may pera ka, ang presyo ng isang gamit pang ehersisyo ay magandang puhunan kaysa sa pagpapamiyembro sa gym.
Maaaring pagisipan muna ang pagpili sa bibilhing gamit na pangehersisyo na gagamitin mo sa loob ng mahabang  panahon.

Huwag mong gawing sampayan ang iyong gamit pang ehersisyo sa panahong maaari mo nang makamit ang katawang gusto mo. Maari kanang pumili ng oras ng pag-ehersisyo na makakabuti para sa’yo at sa oras na ikaw ay may trabaho. At maging ang pamilya mo ay maaring gamitin ito, kung saan makakatipid ka ng husto.

The post Pagbili ng mga Kagamitang pang Ehersisyo first appeared on Mataba Ako!.

Maraming pag-aaral naisagawa na nagtuturo ng koneksyon ng nutrisyon sa pagunlad ng bayad. Ayon sa sekulo ng nutrisyon at pagunlad ang batang malnoris ay madalas nagkakasakit, kapag ang bata ay lagging nagkakasakit malaki ang posibilidad na tumigil ito sa pagaaral o kaya naman ay lumagpak hangang sa mapagod siya sa pagaaral, kapag ang malnoris na bata ay tumigil na sa pagaaral mahihirapan siyang makahanap ng trabaho na may magandang sweldo, kapag kokunti lang ang sweldo ng trabahador mahihirapan siyang bumili ng pagkain, gamot at tirahan, ang eksenang ito ang siya ring magiging sanhi ng pagiging malnoris ng kanayang mga anak at duon iikot ang sekulo hangang sa ang mga batang malnoris ay mamamatay dahil sa gutom at madalas na pagkakasakit. Kung maraming taong nagugutom sa bansang ito, malaki ang posibilidad na lalong lumala ang ekonomiya ng bansa. Walang tao makakabili ng pagkain kaya baba ang demand sa pagkain , wala ng makakapag trabaho ng maayos kaya baba rin ang supply ng mga pagkain, at kapag pareho ng bumaba an gang dalawang ito lalong baba ang ekonomiya ng bansa.

Ano nga ba ang wastong nutrisyon?

Marami sa ating mga Pilipino ang naniniwala kung gaano kahalaga ang nutrisyon sa ating kalusugan ngunit naiintindihan nga ba talaga natin ang ibig nitong sabihin? Masasabi mo ba sa sarili mo na “malusog ako, makakaya kong gawin ang kahit ano” o kaya naman ay “masaya ako sa pangangatawan ko”? ang wastong nutrisyon ay ang tanging paraan upang ang mga ito ay ating makamtan.

Ang wastong nutrition ay ang pagkain ng tama at sapat na uri ng pagkain upang makakuha ng sustansya ang ating katawan mulang sa mga ito. Ang sustansyang makukuha ay siyang gagamitin ng ating katawan upang tayo ay maging malusog, malayo sa sakit, na sa tamang timbang, at higit sa lahat nabubuhay ng masaya at masagana. ang hindi pagsunod sa wastong nutrisyon ay siyang magiging sanhi ng malnutrisyon.

Maraming klasi ng malnutrisyon, ito ay ang mga epekto ng mali sukat at uri ng pagkaing kinakain ito ay mula sa salitang “mal” ibig sabihin ay mali at “nutrition” ibig sabihin ay sustansya mula sa pagkain, sa madaling salita ito ay ang kabalikataran ng wastong nutrisyon. Ang mga nangunguna sa mga ito ay ang pagiging mapayat dahil sa kakulangan sa pagkain, kulang sa bitamina at mineral dahil sa pagkain ng paulit-ulit ng isang pagkain na siyang dahilan kaya hindi na kumakain ng ibang pagkain, at ang umaapekto sa mga nakararami ay ang pagiging mataba na siyang resulta ng pagkain ng sobra sobrang pagkain. Lahat ng ito ay may masamang epekto sa katawan kaya dapat nating iwasan. Lagging isipin ang wastong nutrisyo ay may malaking epekto sa kalusogan at siyang susi sa kaunlaran.

Ang pagiging payat ay maaring maging dahilan upang ang isang tao ay maging sakitin at madaling namamatay itoy ay dahil sa pagbagsak ng depensa ng kanyang katawan laban sa mga mikrobyong nagdadala ng sakit. Kung ang tao ay kumakain ng sapat para sa kanya taas at edad siya ay magiging malusog, malayo sa sakit, at magkakaruon ng kompyasan sa sarili na siyang magpapagaan ng kanyang buhay.

Ang kakulangan sa bitamina ay may malaking epekto sa ating pang labas na anyo, ang taong hindi nakakakuha ng sapat na bitamina A ay maaring mabulag at magkaruon ng komplekasyon sa kanyang balat. Ito ay ilan lamag sa kumplikasyon dahil sa kakulangan ng bitamina A na siya isa ring resulta ng mal nutritisyon o kaya ay an gang hindi pagkain ng sapat.

Ang kakulangan naman sa mineral tulad ng iodine ay siyang sanhi ng paglaki ng “thyroid gland” sa liig na tinatawag na goiter. Ang kakulangan naman sa mineral na Iro o yero ang siyang dahilan ng paghina ng katawan, pamumutla at kakulangan sa hangin sa katawan. Ang mga mineral ay mga kanya kanyang trabaho saluob ng katwan kaya dapat nating makuha sa tamang dami sa pamamagitan ng pagkain ng tama at sapat.

Kung ang kakulangan sa pagkain ay nakakasama sa katawan ang pagkain naman ng sobra ay hindi rin nakakabuti. Ang pagiging mataba ay ang madalas na dahilan kaya nagkakadyabetes, altapresyon, at kung anu-anong komplekasyon sa isang tao kaya dapat ring iwasan. Ito an gang epekto ng hindi pagkain ng tama hindi pagsunod sa wastong nutrisyon, o kaya ay ang pagkain ng sobra sobra sa kinakailangan ng katawan.

Upang ang mga ito ay maiwasan kinakailangan nating kumain ng tama at sapat ng makuha lahat ng kinakailangang sustansya, kumain ng prutas at gulay tatlo hangang limang beses sa isang araw upang maiwasan ang mga sakit sa bituka, uminom ng gatas para tumibay ang ating mga buto, at mag ehersisyo tatlongpung minuto araw-araw para maging malakas at masigla ang ating pangangatawan. Ito ay ilan lamang sa mga bagay na kailangan nating malaman tungkol sa wastong nutrisyon, mga simpleng bagay na kahit gaano ka simple ay palaging nalilimutan.

Kung ang lahat ng tao ay may alam tungkol sa wastong nutrisyon at ito ay ginagamit sa pang araw-araw na buhay lahat tayo ay magiging malusog at masigla. Ayong sa sekulo ng nutrisyon at pag unlad kapag an gang bata ay malnoris ito ay magiging dahilan ng kanyang pagbagsak sa kahirapan, kung lahat ng tao ay malusog ang sikulo ay magiging baliktad, ang batang malusog ay makapasok sa paaralan ay matututo ng maraming aral, kapag siya ay makapagtapus ay makakita ng magandang trabaho, kapag may magandang trabaho siya ay makabili ng sapat na pagkain, kapag sapag ang pagkain siya ang magkakaruon ng mga malusog na anak, at kapag mas lalong umikot ang sekulo ay siyang pagulad ng bansa.

Kaya dapat nating tandaan ang wastong nutrisyon ay hindi lamang umaapekto sa ating sariling kalusogan ito ay umaapekto rin sa kalusogan n gating mga anak at ng hiong pamilya. Ang wastong nutrisyon ay kinakailangan rin upang tayo ay makapag trabaho ng maayos at nakakapagisip ng tama para sa ikabubuti ng lahat. Sa pamamgitan ng wastong nutrisyon tinutulongan natin hindi lang an gating mga sarili kundi ang buong bansa.

The post Wastong Nutrisyon – Dapat Pahalagahan para sa Kaunlaran ng Bayan first appeared on Mataba Ako!.

Sa panahon ngayon, ang oras ay para bang lagi nang kulang. Normal na sa mga Pilipino ang pagiging abala sa maraming bagay, bata man o matanda. Kaya naman, ang gusto ng bawat isa ay makatipid sa oras at makagawa ng maraming bagay sa oras na meron sya. Pati yata ang ehersisyo ay hindi na nabibigyang pansin o importansya. Kaya naman, mabuting balita para kaninuman ang malaman na may paraan kung paano bumaba ang timbang ng walang ehersisyo na pagpaplanuhan. Sumusunod ay 20 paraan:

1. Iwasan ang pagkain ng mga fastfood items.

Bawasan ang pagbisita sa Jollibee o McDonalds. Karamihan sa menu nila ay mabigat sa kaloriya. Ang araw-araw na pagkonsumo nito ay tiyak na makakapabigat ng iyong timbang.

2. Huwag nang bumili ng softdrinks o Iced Tea.

Normal na sa Pinoy ang pumunta sa “sari-sari store” para bumili ng sopdrinks. Kahit saang kanto yata ay may isa o mas marami pa, na tindahan. Madaming kaloriya ang nilalaman ng isang bote ng sopdrinks. Kaya, iwasan mo na ang pagbili nito. Kapag nasa restawran naman, normal nang kasama ng mga “budget meals” o “combo meals” ang iced tea. Umorder na lang ng “solo meals” at humingi ng tubig.

3. Umiwas sa mga piniritong pagkain.

Mahilig ang mga Filipino sa piniritong pagkain. Marami sa putaheng Pinoy ay piniprito sa mantika. Sikat ang mga bansa sa South East Asia sa “street food” na tinatawag at ito ay madalas na pinipiling meryenda kada hapon. Mga fish ball, squid ball, mani, French fries, cheese sticks; ito ay mabigat sa kaloriya ngunit napakaunti ng enerhiya na binibigay sa atin. Sa pahayag ng American Journal of Clinical Nutrition, 10,881 na lalaki at 19,167 na babaeng Espanyol ang sinuri at nakita na ang madalas na pagkain ng mga pinirito ay nakakapalala ng katabaan.

4. Gumamit ng bisikleta.

Sikat na ngayon ang mga bisikleta; ang daming tao ang nahihilig sa cycling. Ang kagandahan nito, may mga lumalabas nang murang klase ng mga bisikleta. Pag-ipunan ito dahil hindi masasayang ang pera mo. Malaki ang naidudulot nito para sa kalusugan. Iwasan na ang traysikel, lalo na kung malapit lang ang pupuntahan. Sa halip, magbisikleta papunta roon. Marami ka ring kaloriya at taba na matutunaw.

5. Iwasan na ang mga kendi at keyk.

Ang sobrang matatamis na mga pagkain ay nakakadagdag ng malaki sa timbang. Bukod dito, tumataas ang tsansa mo na magkaroon ng Diabetes. Nagdudulot din ng matinding sakit ng ulo ang sobrang asukal sa katawan at nakakadagdag sa pakiramdam ng panlalata.

6. Pumara ng malayo sa paradahan.

Para sa taong may sasakyan, mas kaunti lang ang panahon para makabawas ng timbang. Kaya, ugaliing pumara sa malayong bahagi ng paradahan o papasok ng mall o establisyamentong papasukin. Ang gawaing ito ay makakatulong na paraan kung paano bumaba ang timbang.

7. Nguyaing mabuti ang mga kinakain.

Ugaliing nguyaing mabuti ang bawat pagkain na kinokonsumo kada oras ng pagkain. Mas madaling matunaw ng katawan ang mga pagkain at mas epektibo ang pag-absorb ng sustansya para gamiting enerhiya sa mga gawain.

8. Mas damihan ang pagkain ng protina kaysa sa carbohydrate.

Ang protina gaya ng laman ng manok, isda, baboy, at itlog, ay magandang pagkunan ng protina. Damihan ito at sa bawat subo, bawasan ang pagkutsara ng kanin. Malaking bagay ito sa ikakasigurado ng pagbaba ng timbang mo. Kung ikaw ay nasa labas naman, huwag ka nang humingi pa ng ekstrang kanin.

9. Huwag kumain habang may hawak na gadyet.

Kadalasan, hindi mo nababantayan ang dami ng nakakain kung may kaharap kang gadyet sa hapag-kainan. Ituon muna ang atensyon sa iyong pagkain upang masuring mabuti ang dami at klase ng pagkain na kinokonsumo mo sa oras ng kain.

10. Limitahan ang pagbili mula sa groserya sa isang linggo.

Kung hirap ka sa pagdisiplina ng sarili sa pagkain, iwasang mag-imbak ng maraming pagkain sa ref o sa mga plastik na lalagyan. Bumili lang ng katamtamang dami ng pagkain at “snack food” kada linggo, upang maiwasan ang pagkain ng sobra-sobra sa bawat araw na lumilipas.

11. Iwasan ang paggamit ng elebaytor.

Imbes na makipila pa sa paggamit ng elebaytor, gamitin na lang ang hagdan. Ito ay magbibigay dagdag sa oras na ginugugol mo para sa pisikal na aktibidad. Malaking bagay ang naitutulong nito bilang paraan kung paano bumaba ang timbang.

12. Kumain ng sapat.

Siguraduhing sapat ang kain mo sa pinakaimportanteng oras ng bawat araw. Ang agahan ay napakahalaga, ito ang nagtutustos ng pangunahing enerhiya na gagamitin mo para sa buong araw. Tiyaking kumain sa bawat umaga, kahit gahol ka sa oras.

13. Tumigil sa madalasang pagtitimbang.

Ang pagtimbang ng isang beses sa isang linggo ay sapat na. Kadalasan, napapakain ka ng mas madami kapag natutuklasan mo na nakapagbawas ka na ng timbang. Gawing lingguhan ang pagtimbang at panatiliin ang ugaling matiyaga sa pag-abot ng mga layunin sa pagbawas ng timbang.

14. Kumain ng mani.

Nakakatulong ang mani sa pagtustos ng enerhiya. Ayon din sa mga eksperto, nakakatulong ito sa pagpapaliit ng bilbil sa tiyan.

15. Uminom ng Ginseng.

Ang pag-inom ng ginseng ay nakakatulong sa pag-angat ng enerhiya mo. Mas maganda ang kilos ng isip at katawan kapag hindi pagod. Nakakatulong din ito sa pag-kontrol ng kain. Mas tumatagal ka bago humanap ng makakain. Sa isang pag-aaral na inaprubahan ng Institutional Review Board of Dongguk University Ilsan Hospital sa Korea, ang pagsama ng Ginseng sa pang-arawang diet ay nagpababa ng timbang para sa ilang babaeng sumali sa pag-aaral na ito. Ang mga edad nila ay mula 40 hanggang 60 na taong gulang, at sila lahat ay may kondisyon ng sobrang katabaan.

16. Sikipan ng konti ang belt o pagkakatali ng pang-ibabang kasuotan.

Malaki ang naitutulong ng pagsikip ng kasuotan sa pangkaisipan ng taong lumalayon na magbawas ng timbang. Nagiging mas alerto siya sa dami ng nakakain niya. Tumutulong ang pakiramdam na ito upang pigilan niya ang sarili sa pagkain ng sobra.

17. Kumain ng maanghang.

Malaki ang naitutulong ng pagkain ng maanghanng bilang sagot sa kung paano bumaba ang timbang kahit walang ehersisyo. Mas nagiging epektibo ang pagtunaw ng taba at kaloriya na nakukuha ng katawan buhat sa pagkain. Nakakatulong din ito sa paglabas ng pawis. Maganda sa kalusugan at sa pagbawas ng timbang ang pagpapawis. Nakakatulong ito sa paglinis ng katawan mula sa mga toxin na nakukuha sa kapaligiran at sa mga pagkain na kinokonsumo araw-araw.

18. Bawasan ang pagkonsumo ng asin.

Asinan lang ng katamtaman ang mga kinakain dahil ang sobrang gamit ng asin ay nakakadagdag sa timbang. Nakakadagdag kasi siya sa pag-ipon ng tubig sa katawan.

19. Limitahan ang klase ng putahe.

Kadalasan, kahit untian mo man ang kuha ng kanin, ang hirap magpigil kung maraming klaseng putahe ang nakahain . Ang pinakamagandang gawing pagpili ay isang ulam na karne o katumbas, tsaka gulay.

20. Ugaliin ang pag-inom ng herbal na tsaa.

Mas nakakatulong ang paginom ng herbal na tsaa sa araw-araw. Mas napapabilis ang pagtunaw ng pagkain at ang pagdumi ay mas nagiging madalas. Ito ay malaking tulong sa pagbaba ng timbang.

The post Paano Bumaba ang Timbang ng Walang Ehersisyo first appeared on Mataba Ako!.

Nahihirapan ka bang magdagdag ng timbang? Kung gayon, baka kinaiinggitan ka ng iyong mga kapamilya at kapitbahay. Yun bang kahit gaaano karami ang kainin mong kanin at karne, hindi ito nakaapekto sa timbang mo.

Bakit kailangang tumaba?

Ano ba ang masama sa pagiging patpatin, o mga tao na hindi tumataba? Hindi ba’t mas mainam na ito kaysa sa pagiging ubod ng taba? Ang katotohanan ay may mga seryosong problema ding dala ang pagiging patpatin.

Ang mga taong sobra ang kapayatan ay may mas mahinang immune system, na ginagawa silang mas nakahantad sa mga impeksyon, mga komplikasyon na dala ng operasyon at mas matagal na panahon para makabawi galing sa pagkakasakit. Sila ang mga tao na may mas kaunting dami ng kalamnan, manipis na buhok, ngipin at balat. Maaaring ang mga taong hindi tumataba ay may dinaranas na mga problema sa hormones na nagpoprotekta sa mga buto. Sa mga babae, ang pagiging sobrang payat ay maaaring maging dahilan ng irregular na buwanang dalaw.

Ang lahat ng mga ito ay maiiwasan sa pamamagitan ng pagpapanatili ng malusog na timbang, isang bagay na nagkakaiba-iba sa bawat indibidwal.

Sinasabi ng mga doktor na eksperto sa timbang at pagdidiyeta na may simpleng batayan para alamin kung ikaw ay may malusog na timbang. Ang mga babae ay dapat na tumitimbang ng 106 libra (pounds) sa unang limang talampakan at dagdag na limang libra sa bawat karagdagang pulgada. Ang mga lalaki naman ay dapat na tumitimbang ng 106 libra sa unang limang talampakan at dagdag na anim na libra sa bawat karagdagang pulgada.

Ang isa pang batayan ng malusog na timbang ay ang tinatawag na body mass index o BMI. Ito ay isang sistema ng pagtukoy ng laki ng isang tao sa pamamagitan ng kanyang taas at timbang. Sinasabi ng mga dalubhasa sa kalusugan na ang mga tao na may normal na bigat ay may BMI na 18.5 hanggang 24.9. Ang anumang BMI na mas mababa sa nabanggit ay kulang sa timbang, 25 – 29.9 ay sobra sa timabang, ang BMI na 30 mahigit ay sobrang katabaan.

Pag-usapan natin ang praktikal na mga hakabang kung paano tumaba.

Mga dahilan ng sobrang kapayatan

May mga dahilan kung bakit nahihirapan ang isang tao na magdagdag ng timbang. Ang mga genes na namana natin sa ating mga magulang ay isa sa pangunahing salik, subalit ang pagkatao ng indibidwal at ang kanyang kapaligiran ay may malaking papel kung bakit nahihirapan kang tumaba.

Ayon sa mga doktor, baka iniisip ng ilan na sila ay may mabilis na metabolismo kaya hindi sila tumataba. Maaring dahilan iyan subalit hindi palaging ganyan ang kalagayan. Baka mas aktibo lang sila kumpara sa ibang tao. Halimbawa, may mga tao na kinagawian nang maglakad lakad, na sumusunog ng higit na kaloriya kumpara sa kinakain niya. Baka ikaw ang palaging unang nagkukusang loob na maglipit ng mga kalat o gumawa ng gawaing bahay, baka lakad ka nang lakad o mahilig kang magbabad sa mga laro. Ang ganitong antas ng pisikal na mga aktibidad ay hindi naman masama, subalit ang pagkakaalam na ito ay nakakaapekto saiyong pagsusumikap na tumaba ay siyang susi para matupad moa ng iyong layunin na magdagdag ng timbang.

May iba pang dahilan kung bakit bigla na lamang nawala ang iyong gana sa pagkain, pagbabago ng iyong metabolism, o biglaang pagbawas ng timbang.

• Pagkakaroon ng karamdaman
• Hindi mawala-walang sakit
• Depresyon
• Stress
• Side effect ng iniinom na gamot

Sa mga bata, ang kawalan ng kakayahang magdagdag ng timbang ay maaaring dulot ng isang kundisyon na kung tawagin ay failure to thrive na nangangahulugan na ang iyong anak ay may timbang na kulang para sa kanyang edad. Ito ay maaaring bunga ng karamdaman o malnutrisyon dahil sa kakulangan ng kaalaman ng nangangalaga sa kanya. May mga magulang na istrikto sa pagkain tulad ng mga vegetarian, na nagiging dahilan ng hindi sapat ng nutrisyon ng mga bata.

Paano tumaba: Siguraduhin ang malusog na pagdagdag o pagbawas ng timbang

Anuman ang pinaghihinalaan mong dahilan ng iyong pagiging kulang sa timbang, mahalaga na isangguni ito sa doktor, kahit pa masaya ang iba sa pagkakaroon ng pagkakaroon ng payat na pangangatawan.

Kung ikaw ay nababawasan ng timbang subalit wala ka namang ginagawang mga pamamaraan para pumayat, dapat mo itong ipakipagusap sa doktor dahil hindi ito normal. Ang biglaang pagbawas ng timbang ay maaaring sintomas ng isang sakit o diabetes.

Ang pagkain ng kahit ano na lamang ay maaaring makasama – kahit ang mga tao na nahihirapang magdagdag ng timbang ay dapat na magingat sa pagkain ng sobrang tamis at taba. Ang di pinagisipang mga pagkain ay maaaring mauwi sa mga sakit na tulad ng sakit sa puso, stroke at cancer. Isa pa, ang mga tao na kumakain ng kahit ano para magdagdag ng timbang ay maaaring makaipon ng maraming taba sa katawan. Kaya mapanatili ang magandang pangangatawan, kailangan mong kumain ng malulusog na pagkain kasabay ng regular na pagiihersisyo. Ang pagiihersisyo ay makakatulong na matunaw ang extrang taba sa katawan kaya ikaw ay magdaragdag ng timbang dahil sa mas makapal na kalamnan hindi ng makapal na taba. Tandaan lamang na ang pagdadagdag ng timbang ay nangangailangan ng disiplina at pasensya kung paanong ito ay kailangan para magbawas ng timbang.

Paano tumaba o magdagdag ng timbang?

Kumain ng balanseng dami ng protina, carbohydrates at tamang uri ng fats, 60% -70% ng cabohydrates, 10% – 15% protina at sapat na dami ng fats.

Kumain ng mga pagkaing mayaman sa kaloriya, bitamina at mga mineral kaysa sa kumain ng maraming taba o asukal.

Napatunayan ng nakapagpapadagdag ng timbang ang pagkain ng nilagang itlog, patatas, keso at gatas.

Kung ikaw ay mabilis na mabusog, subukang kumain ng mga pagkaing mas mataas sa kaloriya. Iwasan ang paginom ng marami kalahating oras bago o pagkatapos kumain.

Subukan ding uminom ng inuming may alcohol tulad ng wine o beer bago kumain dahil ito ay napatunayang nagpapalakas ng gana sa pagkain. Sumangguni muna sa doktor bago uminom ng alak, tandaan na ang sobrang alcohol sa katawan ay nakasasama lalo na kung ikaw ay may iniinom na gamot.

Paano tumaba sa pamamagitan ng pagkain? Ang katamtamang pagkain ng mani, abokado at matatabang isda tulad ng salmon o mackerel ay napatunayang nakapagdadagdag din ng timbang sa malusog na paraan.

Huwag kumain ng sobrang dami ng isahan, isaayos ang regular na pagkain ng meryenda. Kumain ng midnight snack bago tuluyang matulog. Nakapagdadagdag ng timbang ang pagkain ng peanut butter sandwich bago matulog.

The post Paano Tumaba: Mga Kasagutan Sa Problema Ng Mga Patpatin first appeared on Mataba Ako!.

Sa lipunan ng taong masyadong nahuhumaling sa itsura at kisig ng pangangatawan, bibihira ang tao na gustong magpataba. Subalit kung ikaw isang taong patpatin, nakahit anong gawin para magdagdag ng timbang ay parang balewala, mahalaga ang mga imporamsyon tungkol sa kung paano ka pwedeng tumaba.

Pagkain ang naiisip mong solusyon hindi ba? Subalit anong mga pagkain ang dapat mong ihinahain para ikaw ay tumaba? Ayaw mo namang kumain ng lamang ng kahit ano sapagkat alam mong ang pagkain ng junk foods ay nakasasama rin sa kalusugan.

Kailangan mong maghanap ng pagkaing gusto mo o magugustuhan mo, kaya mong bilhin at hindi ka mahihirapang maghanap sa mga pamilihan.

Alam mo ba?

Alam mo bang ang isang katamtamang lalaki ay nangangailangan ng 2000 hanggang 3000 kaloriya araw araw? Ang mga babae naman ay nangangailangan ng 1600 hanggang 2400 kaloriya. Para tumaba, kailangan kumain ng mas marami rito, mga 500 sobrang kaloriya araw-araw!

Pag-uusapan natin ngayon ang mga pagkaing pampataba, o mga pagkaing magpapadagdag ng iyong timabang, na mura at madaling hanapin. Nandito rin ang praktikal na mga tips kung paano magpataba.

Kanin: Isang popular ngunit murang pagkaing pampataba

Sinong Pinoy ay hindi nakakaalam ng saltang ‘kanin’? Wala, diba? Ito’y sapagkat ang kanin ay ang pangunahing pagkain ng mga Pilipino. Alam mo ba na ang kanin ay naglalaman ng napakadami at mataas na enerhiya? Ang 100 gramo ng kanin ay naglalaman ng 130 kaloriya. Bukod sa ito’y hindi mahal, madali itong hanapin sapagkat araw-araw natin itong kinakain.Ito ay mahusay na sagot sa tanong na “paano magpataba”.

Kumain ng kanin araw-araw. Kung kinakain mo ito mula pa pagkabata, dagdagan moa ng pagkain nito. Personal na karanasan ko po ito. Noong ako ay teenager pa lamang, ako po ay sobrang payat. May nakatatandang nagpapayo saakin na uminom daw ako ng multivitamins para tumaba. Hindi ko masunod ang payo nila sapagkat ang totoo, wala talaga kaming perang pambili ng vitamins. May nakapagsabi sa akin na ang solusyon sa problema ko ay ang pagdagdag ng kanin at konting exercise. Sinabi nya bukod sa kaning kinakain ko sa tanghalian at hapunan, magdagdag daw ako ng dalawang meryenda na kanin ang kinakain, isa sa umaga at isa sa hapon. Sinunod ko ang payo niya sapagkat parang makatuwiran naman ang sinasabi niya. Ang ulam ko, nilagang talbos ng kangkong o kamote, basta makakain lang. Ang resulta? Isang linggo pa lang, nahahalata na ng mga taong malapit sa akin na may pagbabago. Dalawang linggo mataba na ako. Magmula noon, hanggang ngayon, 11 taon na ang nakalilipas, heto ako hindi na problema ang sobrang kapayatan.

Ang kanin ay sagana sa mga bitamina at mineral tulad ng thiamin at niacin kaya talagang masustansiya. Paalala lamang kaibigan: ang malabis na pagkain ng kanin ay bawal sa may sakit tulad ng highblood, sakit sa puso o diabetes. Sumangguni muna sa doktor bago ka kumain ng marami.

Peanut butter: masarap na pinagkukunan ng kaloriya at protina

Subukan mong magsaliksik tungkol sa mga pagkaing pampataba at baka masurpresa ka, lahat ng listang makikita mo sa internet ay nakalagay ang peanut butter bilang pagkaing pampataba. Bakit? Kasi epektibo itong magpataba.

Kung kakain ka ng peanut butter, ang apat na gramo nito ay naglalaman ng 90 kaloriya at at talong gramo ng carbohydrates sa bawat kutsara nito.

Ito ay naglalaman ng kaunting dami ng saturated fat kaya huwag magpakalabis sa pagkain nito. Ang tamang dami ng peanut butter bilang pangdagdag sa mga pagkaing pampataba ay malusog at makapagpapasaya sa iyo.

Saging: Pagkaing puno ng kaloriya, kahit saan ka magpunta

Ang saging ay popular dito sa Pilipinas. Bukod sa ito ay mura, madali itong hanapin sa mga pamilihan. Karamihan sa mga Pinoy ay kumakain ng saging. Alam mob a na ang isang saging na katamtaman ang laki ay naglalaman ng 100 kaloriya? Ito rin ay may fibre at potassium na mahalagang bahagi ng rekomendadong diyeta para sa mga Pilipino.

Ang saging ay naglalaman ng maraming asukal, kaya maganda itong kainin matapos kang mag ehersisyo para sa dagliang pagbabalik ng mga enerhiya nawala saiyo. Kaya kung gusto mong magpataba, magbaon ka nang saging. Kahit saan, pwede kang kumain.

Tuna: Mayaman sa protina at malusog na taba

Ang tuna ay isang uri ng isda na may mataas na antas ng malusog na protina at naglalaman ng mahahalagang langis na kinakailangan ng iyong katawan para gumana ng maayos.

Madaling mahanap ang tuna dahil may mabibili ka na sa mga tindahan na de-latang tuna. Maaari mo itong ihalo sa napakaraming uri ng ulam kaya pwede mo itong maisingit sa mga kinakain mo araw-araw ng hindi ka nagsasawa.

Ang tuna ay sagana sa kaloriya at protina na kailangan mo para ikaw ay tumaba. Bukod sa itoy masustansya, ito ay mura at madaling hanapin, mahusay pa itong paraan kung paano magpataba.

Gatas: Uminom ng kaloriya para tumaba

Ang pag-inom ng gatas ay isa pa sa pinakamadaling napagkukunan ng protina at kaloriya. Ang isang baso nito ay naglalaman ng 150 kaloriya at walong gramo ng protina! Madali lang ang pagtimpla nang gatas bukod sa ito ay madaling hanapin at mura.

May mga taong lactose intolerant o sila yung mga tao na ang bituka ay ayaw sa protina na nasa gatas. Kung ikaw ay may lactose intolerance, maaari mong subukan ang pag-inom ng gatas na gawa sa soya o soya milk, na naglalaman ng 130 kaloriya, hindi gaanong malaki ang diperensiya sap ag-inom ng tunay na gatas.

Ang gatas ay naglalaman ng kaunting fat, subalit hindi naman ito nakasasama. Huwag ka lamang iinom ng isang gallon araw-araw. Isang baso o dalawa, ikaw lulusog at tataba!

Abocado: Kumain nito at magdagdag ng timbang

Ang abocado ay maaaring magbigay saiyo ng napakaraming kaloriya at fats. Bibigyan ka ng isang katamtamang abocado ng 320 kaloriya at 29 gramo ng fats. Mag-ingat ka lamang sa pagkain nito at baka mapasobra naman.

Itlog: Nakapagtataba ng mabilis

Ang itlog ay napakasustansiya, iyang dahilan kung bakit sikat ito bilang pagkain sa agahan. Nagbibigay ito ng mkinakailangang enerhiya at mga nutrients na kakailanganin mo sa maghapon.

Ang itlog ay magandang pagkaing pampataba. Bukod sa ito ay mura at madaling hanapin, ang pagkain ng itlog ay nagbibigay ng 75 kaloriya, 5 gramo ng fats at 6 gramo ng protina at bitaminang B-12.

Huwag ka lamang magpapasobra sa pagkain ng itlog dahil sagana din ito sa kolesterol na dahilan ng highblood.

Ngayong alam mo na kung paano magpataba…

Kaon na ta!

Tuna Avocado Brown Rice Bowl with Egg (top image) and Peanut Butter Banana Dessert

The post Mga Pagkaing Pampataba: Ano Ba Ang Dapat Kainin Para Tumaba? first appeared on Mataba Ako!.

Dahil marami sa mga adultong Pinoy ay sobra sa timbang, ang karamihan sa mga sistema ng pag didiyeta ay nakabase sa pagpapayat. Subalit sa katunayan, marami ding mga Pilipino ang gustong magdagdag ng timbang.

Nakasasama ang sobrang kapayatan

Ang pagiging patpatin ay problema din ng ilan. Ang mababang timbang ay kadalasang dahil sa genetics o namamanang mga katangian, mga karamdaman, iniinom na gamot o sakit sa pag-iisip. Kahit ano pa man ang mga dahilan ng iyong sobrang kapayatan, ito ay maaaring magdulot ng seryosong medikal na mga kalagayan tulad ng mga sumusunod:

• Mahinang immune system, pagkahantad sa maraming uri ng sakit at impeksyon
• Matagal na panahon bago makabawi sa pagkakasakit
• Mas nahahantad sa mga komplikasyon na dala ng operasyon
• Manipis na ngipin, buhok at balat
• Mga problema sa buto
• Hindi regular na buwanang dalaw

Sa nakaraang artikulong Paano Tumaba: Mga Kasagutan Sa Problema Ng Mga Patpatin, napag-usapan natin ang mga dapat mong gawin para ikaw ay makapagdagdag ng timbang at maiwasan ang sobra-sobrang kapayatan. Sa artikulong ito, gusto nating bigyan ng diin kung paano mo mapapanatili na malusog ang pagdaragdag mo ng timbang. May mga pagkakataon kasi na ang pagpapataba ay nauuwi sa labis na katabaan kung ito ay mapasobra. Karanasan po iyan ng inyong lingkod. Kaya simulan natin ang talakayan sa pag-iwas sa mga pagkaing hindi gaanong masustansiya.

Maging mataba at malusog: iwasan ang mga pagkaing pinagmumulan ng hindi malusog na taba

Upang maging mataba o magdagdag ng timbang nag mas mabilis, kainin mo ang mga pagkaing paborito mo! May mga pagkakataon kasi na ang malabis na kapayatan ay sanhi ng kawalan ng gana sa pagkain o kaya naman ikaw ay may eating disorder. Kung ganon, dapat mong piliin ang mga pagkaing mayaman sa calorie at alam mong paborito mong kainin. Halimbawa, kung ang pagkaing pampataba na nakahain sa mesa ay hindi mo masyadong gusto, ang pagkain ng hamburger ay hindi naman masama. Kun hindi mo gusto ang pagkain, maghanap ka ng gusto mo. Isa pa, makatutulong din ang paghain ng pagkain na mabango at maraming sangkap. Tutulong ito saiyo na magkaroon ng pagaasam sa pagkain.

Subalit tandaan mo ito: kailangan mong iwasan ang mga pagkaing pinagmumulan ng hindi malusog na taba para maiwasan ang di-makontrol na paglobo ng katawan. Kung pinagsusumikapan mong tumaba, baka matukso ka na kumain ng matatabang pagkain. Subalit, alalahanin mo na ang mga pagkaing matataba ay kadalang naproseso at naglalaman ng maraming unsaturated fats o transitive fats, mga uri ng taba na hindi agad natutunaw. Kapag ang ganitong uti ng taba ay maimbak saiyong katawan, maaari itong mauwi sa mga sakit tulad ng altapresyon, sakit sa puso, rayuma at artritis o sakit sa bato.

Ang mga naprosesong pagkain tulad ng hotdog, tocino, longganisa, sausages, bologna at mga processed meats ay kailangang iwasan kasama na ang mga de-lata. Iwasan mo rin ang mga pagkaing sobra sa tamis tulad ng cake, candy o mga pie. Bawasan mo rin ang pagbisita at pagkain sa mga fastfood tulad ng Jolibee at McDonalds. Ang sobrang pagkain ng mga pinirito ay nakasasama din.

Ang kaunting pagkain ng mga nabanggit natin ay hindi naman nakasasama. Ito ay magdudulot lamang ng problema kapag inisip mong magpakalabis dito para tumaba.

Ehersisyo para sa malusog na pagdagdag ng timbang

Para maging mataba at malusog, isama sa iyong pang araw-araw na schedule ang pagsasagawa ng aerobic exercise. Baka isipin mong nagkakamali ako sa pagrerekomenda ng pag-eehersisyo samantalang gusto mo ngang tumaba. Ngunit alam mo na ang aerobics ay nakakadagdag ng gana sa pagkain? Opo! At makatutulong pa ito sa pagpapalakas ng iyong puso at sa pagmamantina ng mga pangmatagalang sakit tulad ng high blood o diabetes. Magbibigay din ito ng sigla at lakas sa buong maghapon.

Anong mga ehersisyo ang pwede mong isagawa? Hindi kailangang maging sobrang nakakapagod ang ehersisyo. Ang simpleng jogging, mabilis na paglakad, pagbibisekleta, paglangoy o pagakyat – baba sa hagdan ay maituturing nang aerobics. Kailangan mong ma tantiya ang kaloriya na nawawala sa iyo sa pageehersisyo para makita mo kung nakakatalong na pagsabayin ang ehersisyo sa hangarin mong tumaba.

Kung ikaw ay regular sa ehersisyo mo ngunit para bang hindi ka naman tumataba o mas pumapayat ka pa nga, baka kailangan mo munang bawasan ang dalas at ang haba ng iyong aerobics para maging balance ito at maabot moa ng iyong tunguhing tumaba o bumigat.

Kung kaya ng iyong pangangatawan, ang mga ehersisyong nagpapalakas ng mga kalamnan ay direktang makatutulong saiyo na magdagdag ng timbang. Kung ang iyong mga taba sa katawan ay maging mga kalamnan, mapapansin mong mas bumibigat ka. Ang maganda pa, mapapanatili mo ang magandang hubog ng iyong katawan. Ito ay mahalaga kung gusto mong magdagdag ng bigat. Maraming mga tao ang hindi nakakaalam na ang ehersisyo pala ay nakatutulong magpadagdag ng timbang. Ang akala nila, ang ehersisyo ay para lamang sa mga matataba na gustong pumayat.

Anong mga ehersisyo ang maaari mong isagawa para mapalakas at kumapal ang iyong mga kalamnan? Pwede kang magbuhat ng barbels o dumbbells. Pwede rin ang push ups, curl ups at pagbabaras. Ang ganitong mga ehersisyo ay nakasusunog din ng kaloriya, hindi nga lang kasing dami ng nasusunog sa aerobics. Pero tandaan, ito ay maaari ding makapag pabagal ng iyong pagtaba kung hindi gagawin sa tamang paraan.

Kung may budget ka, mas magandang makipag-usap ka sa isang personal trainer, meron nito ang ilang mga gym na malapit sa iyong lugar. Ang pakikipag-usap sa trainer ay tutulong saiyo na maisaayos ang isang schedule ng pageehersisyo na akma sa personal na mga kalagayan mo. Ang gym instructor ay personal na magtuturo saiyo na isagawa ang mga ehersisyong ito para matulungan kang maging malusog habang ikaw ay nagdaragdag ng timbang. Kaya magtanong sa gym kung may instructor sila na pwedeng magturo saiyo. May mga gym na nag-oofer ng libreng kosultasyon sa uang pagbisita sa gym. Ipakipagusap mo sa instructor ang kagustuhan mong maging malusog at mataba o mabigat para alam niya kung anong mga ehersisyo ang bagay saiyo.

Ang pagiging sobrang taba o sobrang payat ay nakasasama. May mga paraang tutulong saiyo na maiwasan ang alin man sa dalawang ito. Kailangan mo lang ng tamang disiplina para maging malusog at mataba.

The post Maging Mataba At Malusog: Mga Paraan Sa Malusog Na Pagdagdag Ng Timbang first appeared on Mataba Ako!.

Ang pagkain ng masusustansyang pagkain ay mahalagang bahagi ng pagpapanatili ng maluog na pangangatawan. Sa pamamagitan ng pagpapanatili ng tamang pagkain, mapananatili mo rin ang magandang pakiramdam.

Ang balanseng diyeta ay nangangahulugan ng pagkain ng iba’t ibang uri ng pagkain sa tamang dami. Sa pamamagitan nito mapananatili mo ang wastong timbang.

Grupo ng mga masusustansyang pagkain

Narito ang mga pagkaing hindi maaaring mawala sa hapag kainan:

• Mga pagkaing mayaman sa starch o carbohydrates tulad ng kanin, patatas, tinapay at pasta
• Gatas o produktong gawa sa gatas, pwede ang mga alternatibo tulad ng soya milk
• Beans, isda, itlog, karne at iba pang protina
• Piliin ang unsaturated oil kapag magluluto
• Uminom ng maraming tubig

Kung ikaw mahilig sa mga pagkaing matataba, maalat o matatamis, kailangan mong bawasan ang dalas at dami ng pagkain ng mga ito sapagkat maaari itong makasira sa katawan mo.

Subukang pumili ng pagkaing pasok sa limang grupo na nabanggit. Karamihan sa mga tao sa Pilipinas ay kumakain ng napakaraming kaloriya, matatabang pagkain, maaalat at matatamis. Ang mga Pinoy hindi kumakain ng sapat na prutas, gulay, isda at fiber.

Tandaan na ang prutas at gulay ay pinanggagalingan ng bitamina at mineral kaya dapat ito ay ang bumubuo sa 1/3 ng lahat ng mga pagkaing ating kinakain araw araw.

May mga patunay na ang mga taong kumakain ng masusustansyang pagkain ay mas bihirang tamaan ng mga sakit sa dugo at puso tulad ng atake sa puso, stroke at ibang mga kanser.

Kumain ng prutas at gulay

Ang pagkain ng masusustansyang pagkain ay hindi naman mahirap gawin di tulad ng iniisip mo. Ang pagkain ng limang serving ng prutas at gulay araw araw ay epektibo para ikaw ay magkaroon ng magandang kalusugan. Tulad ng nasabi na, ang pagkain nito ay hindi naman mahirap. Halimbawa, pwede kang kumain ng isang malaking saking na 80 gramo bilang isang serving. Ang isang hiwa ng pinya ay isang serving. Ang tatlong kutsara ng gulay ay isang serving.

Ang pagkain ng hiniwang saging kasabay ng pagkain mo almusal ay isang paraan para makakain ka ng isang serving ng prutas ng halos hindi mo namamalayan. Pwede mo naman ipamalit ang isang pirasong ponkan sa meryenda mo. Sa pananghalian, kumain ka ng veggie salad. Sa gabi, maghain ka ng gulay bilang ulam. Ikaw na ang bahalang mag disisyon kung anong klaseng prutas o gulay ang iyong kakainin, basta ang mahalaga ay makakain ka ng limang serving nito araw araw.

Pagkaing carbohydrates

Tandaan na ang pagkaing mayaman sa starch o carbohydrates ay dapat na 1/3 ng iyong kinakain araw araw, kaya ito ang tinatawag na base food. Kung kanin ang iyong base food, mas magandang ihain ang brown rice dahil sa taglay nitong extrang fiber.

Ang patatas na may balat ay maganda ring source kapwa ng carbohydrates at fiber. Kaya kung kakain ka ng nilagang patatas, dapat na kainin mo rin ang balat nito.

Gatas na low fat

Ang gatas at ang mga produktong gawa dito tulad ng keso at yoghurt ay masustansyang pagkain dahil sa pinanggagalingan din ito ng protina. Naglalaman din ito ng calcium na nakakatulong na mapanatiling malusog ang iyong mga buto.

Para lubusang matamasa ang mga pakinabang nap ag inom ng gatas na hindi naman nasosobrahan sa fat, piliin ang semi-skimmed na may 1% na fat o mismong skimmed milk. May mga produkto naman na gawa sa gatas tulad ng yoghurt o keso na low fat na pwede mong mabili sa mga tindahan na malapit sa inyo. Kung ayaw mo sa gatas, may mabibiling soya milk, soya cheese o soya yoghurt na nagtataglay din ng kaparehong dami ng protina kumpara sa gatas.

Beans, isda, itlog at iba pa

Ang mga nabanggit ay masustansyang pagkain dahil sa ito ay napagkukunan ng protina ng kailangan ng katawan para sa paglaki at pagsasaayos ng sarili. Ang mga ito ay mayaman din sa iba pang mga bitamina at mineral.

Ang karne ay magandang source ng protina at mineral tulad ng iron, zinc at mga bitaminang B. Isa rin ito sa mga mapagkukunan ng bitamina B12. Subukang kumain ng malalamang karne lalo na ng skinless na manok para mabawasan ang pagkain ng sobrang taba. Kailangan mong lutuing maaayos ang karne bago kainin para makaiwas ka sa sakit.

Ang isda ay isa pa sa mga mahahalagang mapagkukunan ng protina kasama na ang mga bitamina at miniral. Ang mga isdang malangis ay mayaman sa omega 3 na fatty acid.

SIguraduhing nakakakain ka ng dalawang serving isda kada linggo. Pwede kang kumain ng sariwa, frozen o de latang isda, basta tandaan na ang de lata at tinapang isda ay mas maalat kumpara sa iba pang paraan ng pagpoproseso ng isda.

Ang itlog, beans, mani at iba pang butil ay mayaman din sa protina. Ang mga nut ay mayaman sa fiber at magandang pamalit sa protina na nakukuha sa karne, pero ito ay nagtataglay parin ng mataas na taba kaya kailangan mo paring mag hinay hinay sa pagkain ng mga ito.

Magdahandahan sa fats at asukal!

Ang sobrang pagkain ng saturated fats na nakukuha sa pagkain ng karne ay makapagpapataas sa kolesterol sa dugo mo, na makapagpapataas ng posibilidad na ikaw ay magkaroon ng sakit sa puso. Ang pag inom o pagkain ng mga matatamis ay makapagpapataba, makakasira ng mga ngipin, at makapagpapataas ng posbilidad na magkaroon ka ng diabetes.

Ugaliing magpasuri ng blood pressure at ng blood sugar level para alam mo kung paano ka mag-aadjust ng pagkain mo at magamot ng maaga ang mga sakit na maaari mong makuha sa hindi tamang pagkain.

Masustansyang pagkain para sa buntis

Ang pagpapanatili ng malusog na pangangatawan ay napakahalaga lalo na sa panahon ng pagbubuntis. Sa panahong ito, ang iyong katawan ay nangangailangan ng dagdag na sustansya, bitamina at mga mineral. Ang kakulangan sa masusustansyang pagkain sa panahon na ikaw ay buntis ay may hindi magandang epekto sa paglaki ng bata sa sinapupunan mo.

Narito ang ilan sa mga asustansyang pagkain para sa buntis na dapat mong kainin:

• Gatas at mga produktong gawa dito
• Legumes tulad ng monggo at mga beans
• Kamote
• Mga isda tulad ng salmon
• Itlog
• Mga gulay na madahon tulad ng broccoli, pechay, malunggay at iba pa
• Laman ng karne
• Fish liver oil
• Whole grain
• Abocado
• Pinatuyong mga prutas
• Tubig, maraming tubig!

The post Alam Mo ba Kung Ano Ang Mga Masustansyang Pagkain? first appeared on Mataba Ako!.

Ang pagpapataba ay nangangailangan din ng pagsisikap tulad ng pagpapayat. Ang timbang ng isang tao ay may kaugnayan sa kaloriya na pumapasok sa kanyang katawan. Ang “init” na natatamo natin mula sa mga pagkaing kinakain natin sa araw-araw at nagpapagalaw sa isang tao o nagiging enerhiya ay siyang tinatawag na kaloriya. Kailangan natin ang tamang dami ng kaloriya upang magkaroon ng enerhiya at mapanatili ang timbang. Sa sitwasyon ng isang taong gustong magpataba, kailangang madagdagan ang kaloriya sa katawan upang magkaroon ng sobra ang kaloriya mula sa init na nagagawa ng katawan at sa gayon makakuha ng karagdagang timbang. May ilang tips upang mabisang madagdagan ang timbang at sa paraang natural. Bago natin talakayin iyan, kailangan malaman muna natin ang mga natural na vitamins na pampataba para sa ating katawan.

Vitamin B-12 at Gana sa Pagkain

Ang vitamin B-12 ay isang bitamina na tumutulong sa produksyon ng red blood cells at enerhiya. Ito ay may malaking epekto sa gana sa pagkain ng isang tao. Kapag kulang ng vitamin B-12 ang ating katawan, maaaring mabawasan ang gana natin at sa gayon, mahihirapan tayong kumain ng mga pagkaing may maraming kaloriya. Ang bitaminang ito ay nakukuha kapag kumakain tayo ng karne o kaya ay mga pagkaing galing sa hayop. Dahil dito, mas madaling magkaroon ng kakulangan sa B-12 ang mga taong vegetarian. Upang magkaroon ng dagdag na vitamin B-12 at maiwasan ang kakulangan nito, kailangang kumain ng pagkaing maraming protina tulad ng itlog, karne, hipon, isda at mga produktong gawa sa gatas. Marapat na isama sa bawat kainan at meryenda ang mga pagkaing may maraming protina upang higit na maging epektibo ang iyong pagpapataba.

Protina at Pagpapataba

Ang protina ay hindi bitamina ngunit ito ay may malaking naitutulong sa pagbuo ng muscles. Anupat gusto nating magdagdag ng timbang na magiging muscle at hindi ang taba na magiging bilbil. Kaya kailangan natin ang protina sa proseso ng ating pagdaragdag ng timbang. Maaaring idagdag sa listahan ng mayaman sa protinang uri ng pagkain ang mga mani, mantekilya, at beans. Ito ay maaaring maging kapalit ng karne para sa mga vegetarian dahil maaaring magbigay ito ng protina ngunit wala itong B-12 na pampagana ng pagkain. Isang magandang suhestiyon ay ang pagpapalaman ng peanut butter sa tinapay bilang meryenda.

Tips Para Tumaba

Ano ba ang dapat gawin upang madagdagan ang timbang?

1. Kumain ng mga pagkaing may maraming kaloriya. Kailangan na mas marami ang kaloriyang papasok sa katawan kaysa sa gagamitin nito upang magkaroon ng sobrang kaloriya ang iyong katawan at madagdagan ang timbang. Halimbawa, ang iyong normal na kaloriyang kailangan ng iyong katawan ay 1,800 calories kada araw. Kung gusto mong unti-unti ang iyong pagdagdag ng timbang, maaaring dagdagan mo ito ng 250 hanggang 500 kaloriya araw-araw. Kung gusto mo namang mas mabilis, maaaring magdagdag ng 700 hanggang 1000 calories.
2. Kumain ng mga pagkaing sagana sa protina. Ang ating kalamnan ay binubuo ng protina kaya ang sobrang kaloriya ay magsisilbing taba. Kung ang kaloriya ay sasabayan ng protina, ang ekstra nito ay magiging muscle. Ang protina ay nakakabawas ng gutom at gana kaya kailangan din ang vitamin B-12 sa ating katawan upang madagdagan ang gana at mas marami parin tayong makain.
3. Kumain ng maraming carbohydrates at fats. Upang kumpleto ang isang kainan para sa taong magpapataba, kailangan ang carbohydrates, protina at fats tatlong beses sa isang araw. Pinapaalahanan din na huwag lumaktaw ng kahit isang kainan at kumain ng meryenda kung posible.
4. Kumain ng mga pagkaing nagbibigay ng enerhiya. Halimbawa nito ay mga nuts, dried fruits, karne, kamote, patatas, tsokolate at iba pa.
5. Maglagay ng pampalasa sa pagkain. Nakakatulong ito upang mas maganahan tayo sa pagkain at mas magkalasa ito. Sa gayon, mapaparami tayo ng makakain.
6. Mag-ehersisyo – Kailangan pa rin ang ehersisyo sa pagpapataba. Ito ay upang ang kaloriyang nakuha sa pagkain ay maconvert bilang muscle. Sa kabilang banda, ito rin ay nakakapagpagana sa pagkain.

Mabuti bang uminom ng ilang vitamin supplement sa pagpapataba?

Ang mga nagbebenta ng vitamins na pampataba ay nangangakong ang kanilang produkto ay epektibo sa pagpapalakas, pagpapaalisto at pagkakaroon ng muscle. Isang bagay na marapat nating tandaan ay: Ang walang partikular na vitamin supplement na makakabigay sa iyo ng dagdag na timbang dahil ito ay walang lamang kaloriya. Maaaring makatulong lamang ito sa pamamagitan ng pagbibigay ng nutrisyon para sa iyong katawan. Mas epektibo pa rin ang natural na paraan ng pagdaragdag ng timbang gamit ang natural na mga vitamins na pampataba na nasa mga pagkain na kinakain natin sa araw-araw. Kaya imbes na humanap ng sintetikong mga vitamin supplements na nagbibigay lamang ng dagdag na gastos kaysa sa dagdag na timbang, sundin ang mga paraang naaayon dito at masasabi mong “Tumaba ako” sa natural na paraan.

The post Tips Para Tumaba – Pagpapataba sa Natural na Paraan first appeared on Mataba Ako!.

Sa totoo lang, mas maraming tao ngayon ang namomroblema sa kanilang timbang. Maging sa mga klinika, karamihan sa mga pasyente ay may sakit na may kinalaman sa pagtaba, sobrang kain o pagkain ng bawal. Sadya nga bang madaling tumaba at mahirap magpapayat? Sa dami ng masasarap na pagkain totoo ngang mabilis na tataaba ang isang tao kung hindi siya magko-kontrol.

Ngunit puwede rin namang pumayat sa madaling panahon lang. Hindi man ito mangyayari sa magdamag lang, pero kung disiplinado at determinado, mararamdaman at makikita ang epekto sa isang linggo lang. Oo, tama ang nabasa mo. Kung pursigido sa pagpapapayat, aaksiyon kaagad at itutuloy-tuloy ito, siguradong in just one week, mababawasan ang timbang, liliit ang sukat at talagang papayat ka. Dapat na handa ang katawan mo sa pagpapapayat lalo na kung binibigyan mo lang ang iyong sarili ng isang linggo.

Change of lifestyle. Ito ang unang-unang dapat gawin para malaman kung paano magpapayat. Magbago ng pamamaraan ng pamumuhay para makapag-umpisa nang magpapayat. Isiping mabuti kung ano talaga ang goal na gusto mong ma-achieve. Mag-set ng schedule para ma-balanse mo ang mga gawain sa araw-araw. Magkaroon ng displina sa sarili at maging istrikto dito. Iplano ang pagkain, inumin at pag-e-ehersisyo sa tamang paraan at oras.

Huwag manood ng TV habang kumakain. Pinatatagal lang ng gawing ito ang iyong pagkain. Ang ibig sabihin, mas mapaparami ang kain kung nanonood ng TV habang kumakain. Mawawala ang focus sa pagkain kapag nanonood ng TV. Dahil dito, hindi mapapansing mas mapaparami ng kuha sa plato.

Matulog ng sapat at tama sa oras. Nakapagbabalanse ng metabolism ang pagtulog ng sapat at tama sa oras. Ito ay isa sa mga epetkibong paraan kung paano magpapayat. Pinaka-‘da best’ ang pagtulog ng 8 oras araw araw. Kapag kulang sa tulog ang isang tao, babagal ang kaniyang metabolism. Ang resulta, mabilis na tataba.

Kape at tsaa para sa weight loss. Paghandaan ang araw-araw na physical activities sa pamamagitan ng pag-inom ng tsaa o kape mga 30 hanggang 45 minuto bago simulant ang ehersisyo o physical activity. Ito ay garantisadong nakatutulong para sa mabilis na pagsunog ng mga taba, sebo at dumi na naipon sa katawan. Dapat lang tandaan na makasaama naman ang pag-inom ng sobra ng kape. Ito ay makapagdudulot ng palpitation.

Kumain ng fiber-rich foods. Ito ay garantisadong makakatulong na bumilis ang pagpayat. Sa loob ng isang linggo, kung gagawin mo ito, siguradong sa loob ng pitong araw, mapapansin mo ang pagbabago sa iyong pangangatawan. Ilan sa mga halimbawa ng mga pagkaing mayaman sa fiber ay oatmeal, pinya, guyabano at wheat bread.

Mag-exercise tuwing umaga. Gusto mo talagang malaman kung paano magpapayat nang mabilis? Mag-exercise ka araw-araw. Hindi kailangang mahirap na workout. Simpleng paggalaw gaya ng paglalakad, pagtakbo at pagsayaw-sayaw ay makapagsusunog na ng maraming calories agad-agad.

May natural bang paraan kung paano magpapayat?

Kung nais pumayat, huwag basta-basta iinom ng gampot na pampapayat. Hindi lahat ng ipino-promote ay apektibo. Maaaring mabilis silang makapagpapayat, ngunit maaari rin silang magkaroon ng side effect. Pinaka-safe pa ring paraan para ikaw ay pumayat ang natural remedy. Maraming kang matutunang tips para pumayat. At ang good news dito, marami ka ring mapagpipiliang mga natural na pamamaraan.

Bago sumubok ng mga dietary supplement, pagkain o inuming pampapayat, mas mainam na umpisahan muna ang disiplina sa sarili nang hindi kinakailangang bumili. Kung dati’t isa hanggang 1-1/2 tasa ang kanin mo kada kain, bawasan ito sa kalahating tasa na lamang. Malakas makapagpataba ang kanin. Dalasan at mas damihan pa ang pagkain ng gulay. Ito ay mabilis matunaw sa tiyan at mababa ang tsanasang maimbak o manatili sa katawan at maging taba.

Sabayan ng ehersisyo ang tamang pagkain. Ang pagwo-workout ng 30 hanggang 45 minuto araw-araw ay epektibong nakakabawas ng timbang. Magkaroon ka ng 10,000 steps a day na goal sa sarili. Tiyak na malaki ang mababawas sa bilbil pag nakaugalian ito.

Mga tips para pumayat
Hindi imposibleng pumayat. Gaano ka man kataba, hindi dapat mawalan ng pag-asa na ikaw ay papayat pa. Sa artikulong ito, nabasa mo na sa mga unang bahagi pa lamang, ang mga apektibong pamamaraan kung paano magpapayat. Hindi ba’t achievable at kayang-kayang gawin ang mga ito? Hindi rin mahirap hanapin ang mga rekomendadong pagkain at inumin, di ba?

Hindi nagtatapos doon ang aming tips. Narito ang ilan pa. Tandaan, hindi ka imposibleng pumayat. Maaaring nagkulang ka lang ng disiplina kaya kabumigat at lumaki, pero siguradong papayat ka pa.Puwera na lamang kung may karamdaman kang nagiging sanhi ng iyong pagtaba. Narito ang ilang pang tips:

1. Simulan mo na ngayon. Wala nang iba pang best time para magsimula kundi ngayon. Ang pag-uumpisa ang pinakamahirap talagang gawin. Ngunit kapag naumpisahan na ang pagpapapayat, tiyak na mae-engganyo ka nang ipagpatuloy ito.
2. Huwag mag-alangang magtimbang. Importanteng maitala mo ang sariling timbang bago, habang, at pagkataos ng weight loss program mo. Malalaman mo ang ang diperensya ng timban sa paglipas ng mga araw kung alam mo kung saan ka nagmula.
3. Katulad ng nabanggit na, laging tatandaang pinakaepektibong paraan ng pagpapapayat ang kumbinasiyon ng diet and exercise.
4. Umiwas sa mga pagkaing mayaman sa carbohydrates gaya ng pasta, kanin at tinapay. Ang mga ito ay sobrang bilis makapagpataba.
5. Kung malakas ka sa softdrinks at juice, itigil na ang pag-inom ng mga ito. Maging ang mga matatamis ay dapat mo nang bawasan (kung hindi man maiwasan). Malaki ang ibabawas sa timbang mo sa paghinto sa pag-inom ng kahit anong colored drink.
6. Siguraduhing may nakalaang oras sa araw-araw para sa ehersisyo. Kahit pa gaano k aka-busy, dapat mayroon kang kahit 30 minuto lang para magpapawis. Ang araw-araw na pag-eehersisyo ay makatutulong para pumayat.
7. Kung hindi kaya ang monthly membership fee sa gym, huwag mag-alala. Maari ka namang mag-exercise sa bahay sa pamamagitan ng YouTube at exercise videos na mapi-play sa DVD. Marami ka pang pagpipilian gaya ng Taebo, Zumba, Body Combat at Walk the Mile. Ang kagandahan nito, ikaw ang magdedesisyon kung kalian at ano ang gusto mong gawin.
8. Mamuhay ng healthy lifestyle. Palaging isaisip ang kapakanan ng sarili at ang kalusugan. Piliin ang paglalakad kaysa sa pagsakay kung malapit lang ang pupuntahan. Sa paraang ito, nakatipid ka na, nakapag-exercise ka pa!
9. Higit sa lahat, ipagpatuloy lang ang healthy practice at manatiling disiplinado sa lahat ng bagay at oras.

The post Mga Epektibong Mga Paraan Kung Paano Magpapayat first appeared on Mataba Ako!.

Hindi lahat ng taong may bilbil ay matataba. Sa katunayan, maraming taong payat naman o slim, ngunit malaki ang bilbil. Maraming dahilan kung bakit may ganito ang isang indibiduwal. Maaaring siya ay madalas na nakaupo at umuupo ng bagong kain. Kung minan naman hindi tabain pero bilbil lang ang lumalaki dahil sa pagkain ng marami. Iba’t-iba man ang klase ng kaatawan mayroon ang mga taong pawang may bilbil, iisa lang ang nais nila—ang malaman kung paano mawala ang bilbil nila.

Bakit kailangang mawala ang bilbil

Tunay ngang kailangan itong tanggalin o paliitin man lang sa katawan. Minsan, katulad ng nabanggit, ang isang babae o lalaki pumapayat na pero naiiwan pa rin ang bilbil sa tiyan. Ito, marahil ay nangdahil sa maling gawain o practice ng pag-dadiet o pag-e-exercise. Nakaka-relate ka ba? Siguradong super excited ka nang malaman ang mga paraan ng pampaliit ng bilbil.

Pinakaimportante mo munang unang dapat gawin ay ang malaman kung ano nga ba ang nagiging pangunahing dahilan ng paglaki ng bilibil sa katawan. Magkaroon ka ng self-assessment at alamin mong mabuti kung saang pag-uugali sa pagkain ka nagkamali. Pagkatapos nito, siguradong mabilis at madali nalang para sa iyo ang pagtuklas ng mga dapat mong iwasan, gawin, inumin o kanin para sa epektibong pampaliit ng bilbil. Mahirap gawin pero posibleng posible talaga ang magpaliit ng bilbil.

Bakit ba tumataba at ano ang dapat gawin kung paano mawala ang bilbil?

Kulang sa paggalaw o pagkilos ng katawan. Malaking impact ang teknolohiya o gadgets sa katawan ng tao. Kadalasan, dahil mas maraming siyang oras sa pagga-gadget, hindi na niya makuha pang kumilos. Ito ay nakapagdudulot ng pagdami ng maraming body fats sa katawan. Mainam na maglaan ng ilang minuto sa pagtayo, mula sa pagkakaupo. Maglakad-lakad o kumilos kung nasaan man. May posibtibong kahihinatnan ito. Ikaw ay tiyak na pagpapawisan at mas magiging malaki ang tsansang mawala ang bilbil.

May maling gawain sa pagkain. Ito ang kadalasan ang problema kung bakit hindi malaman kung paano mawala ang bilbil. Hindi porke’t paborito ang isang pagkain ay uubusin o dadamihan na ito. Epektibong nakakaliit ng bilbil ang prutas at gulay. Panahon na para baguhin ang mga maling food choices at palitan ang mga ito ng masusustansiyang pagkain.

Parating puyat at bitin sa tulog.

Kung talagang gustong mawala ang bilbil, dapat ay may sapat na tulog. 8 oras araw-araw dapat ang inilalaan sa pagtulog. Mahalaga ito sa tao, pagpapapayat man o pagpapataba ang layunin niya. Puwede kang magka-hormonal imbalance kung makakaugalian na ang irregular na pagtulog. Ito ay maaaring magdulot ng madalas at grabeng pagkagutom. Dahil dito, magiging madalas din ang pagkain sa maling oras! Para ito ay maresolba, kailangang matulog ng maaga nang sa gayon, mas maging mahaba pa ang pagtulog.

Pagtanda o pagkaka-edad na. Minsan, habang nagkaka-edad na ang tao, siya ay tumataba. Lumalaki ang buo niyang katawan. Puwedeng ma-delay ang pagtanda ng tao sa pamamagitan ng tamang ugali sa pagkain at regular na pag-e-exercise. Malaking tulong din kung mayroong tama at sapat na oras para sa tulog. Ito ay epektibong mabilis na pampaliit ng bilbil.

The post Helpful Tips Kung Paano Mawala ang Bilbil first appeared on Mataba Ako!.

Sa panahon ngayon, maraming bagay ang nakukuha nang mabilis. Ang pagsa-shopping ng mga bagay ay isang click na lamang sa computer. Ang pag-aapply ng trabaho ay nagagawa na rin online at may resulta rin agad-agad! Maging ang pakikipag-kumustahan sa mga mahal sa buhay sa ibang bansa ay instant na rin.Eh sa pagpapapayat? Gusto mo bang malaman kung paano pumayat ng mabilis?

Kailangan mo lang ihanda ang iyong sarili sa posibleng paghihirap. Mag-ipon din ng maraming pasensiya at oras para para sa mabilis na pampapayat. Bago malaman ang mabisang paraan ng mabilis na pagpapayat, magtimbang ka muna. Ito ay mahalaga para malaman mo kung ano ang dapat na maabot na timbang, kung ano ang magiging diperensiya ng timbang makalipas ang panahon at kung anong klaseng pagpapayat ang agawin.

Pangalawang dapat gawin: Gawing madalang ang pagkain maalat, mataba at matatamis. Ang mga uri ng pagkaing ito ay mabilis na nakakapagpataba. Kumilos at gumawa sa bahay para pagpawisan. Kapag pinagpapawisan, siguradong masusunog ang tabang naipon at nanatili na sa katawan at tiyan mo.

Mga teknik kung paano pumayat ng mabilis

Huwag nang gawing kumplikado pa ang mga gagawin para sa mabilis na pampapayat..Kadalasan, puwedeng gawin ang mga ito sa loob ng bahay. Simple ngunit kailangang paglaanan ng oras. Kapag ginawa ang mga ito araw-araw, tiyak na bibilis ang pagbawas ng timbang at pagliit ng katawan. Narito ang ilan sa mga dapat gawin:

• Asikasuhin ang bahay. Ang paglilinis ng buong bahay ay mabisang pampapayat. Gung gusto mong malaman kung paano pumayat ng mabilis, humawak ng walis at dustpan araw-araw sa umaga at hapon.
• Uminom ng maraming tubig para hindi ma dehydrate. Ang pag-inom ng 8 baso ng tubig araw-araw ay nakakatulong na malinis ang mga toxin sa katawan. Ito rin ay pwedeng maging panlaban sa sakit. Napakahalagang maayos ang kalusugan habang nagpapapayat.
• Ipalit ang prutas at gulay bilang snack araw-araw kaysa sa tsitsirya. Ang mga ito ay rich in fiber kaya pabor na pabor sa digestive system. Hindi mananatili at maiimbak ang taba sa tiyan at bituka kung normal ang pagdumi at kung lubhang nalilinis ang sistema.
• Ugaliing nakatayo nang mas madalas kahit na kailangang nakaupo kapag nagtatrabaho. Mag-break ng kada 2 oras sa pagkaaupo at maglakad-lakad nang sa gayo’y bumilis ang metabolismo.
• Mag-exercise at sabayan ito ng diet. Tiyak na bibilis ang proseso ng pagpapapayat kaya napakalaki ng tsansa mong maabot ang pangarap mong sexy at slim body sa lalong madaling panahon.
• Bawal ang stress. Ito ang importante sa lahat. Kapag stressed ka, nalilipat ang focus mo sa mga bagay na ikinaka-stress mo. Nawawalan ka ng konsentrasyon sa paggawa ng paraan kung paano pumayat ng mabilis.

Papayat ka sa loob lamang ng isang linggo

Tama ang nabasa mo! Sa artikulong ito, malalaman mokung paano magpapayat ng isang linggo lang. Marahil ay naitatanong mo, “Paano kaya ito?” Makakaya pababain ang timbang mo at paliitin ang waisteline mo in just one week? Ang sagot sa mga huling tanong ay isang malaking “oo”. Ngunit hindi madali ha. Sa katunayan, ito na marahil ang pinakamabigat na pagsubok na kakaharapin mo sa mga susunod na pitong araw—kung ano nga ba ang pinaka-mabilis na pampapayat. Ang sarap talagang magpapayat lalo na’t may target deadline ka sa pagpayat. Maraming challgenges na mami-meet ang isang taong nagpapapayat.

Nandiyan ang tukso at cravings sa mga pagkaing mabilis makapagpataba tulad ng desserts, tsitseriya at oily na pagkain. Isa ring pagsubok ang hirap sa paggising, maging ang pagbangon ng maaga para mag-exercise. Ang pagtigils sa mga maling nakagawian na ay isa ring test para maka-survive sa mabilis na pagpapapayat. Malaki rin ang epekto ng pag-inom, paninigarilyo at pagpupuyat, sa nais mong mabilis na pagpayat.

Pero huwag kang mag-alala dahil kung susundin mo lang ang mga nabanggit, tiyak na kakayanin mo talagang pumayat sa loob ng isang linggo lamang. Mag-tiyaga ka lang at maglaan ng panahon para ma-achieve mo ang goal mo. Kailangan din ng matinding disiplina sa sarili at ito ay garantisadong mabilis na pampapayat.

Isang linggong pagpapapayat

Siguro, para sa iba, ang pagpapapayat ng isang linggo ay maituturing na milagro. Tunay ngang mahirap itong gawin lalo na kung sobrang iksi lang ng panahon ng pagpapapayat. Imposible talagang maging small ang size mo at kalahati agad ang igagaan mo in just one week. Pero ang posible, tiyak na mababawasan ka in both pounds and inches kung in one whole week ay disiplinado ka sa iyong sarili.

Heto ilan sa mga simpleng paraan. Mahirap man paniwalaan, ngunit siguradong nakakatulong kung paano magpapayat ng isang linggo:

• Uminom ng mainit na tsaa 30 minuto bago kumain. Pabibilisin nito ang pagtunaw sa pagkain sa sa loob ng katawan.
• Iwasan na ang colored drink dahil mataas ang sugar content ng mga ito. Huwag din iinom ng malamig na tubig kapag kumakain
• Huwag na masyado mag-sawsawan tulad ng patis, bagoong at toyo. Ang mga ito ay nakakapagpasarap ng pagkain. Lalong gagananahan pag masarap ang pagkain at lalo pang tataba.
• Umiwas na sa mga sobrang tamis na pagkain. Ang mga ito ay sobrang lakas magpataba.
• Mas dalasan at damihan ang pagkain ng mga sagana sa protina katulad ng itlog. Nakakadagdag ito ng enerhiya sa katawan kaya’t bibilis ang metabolism ng isang tao .
• Husto dapabat sa tulog araw-araw. Dapat maglaan ng 8 para makapag-ipon ng lakas.
• Mag-exercise kalahati hanggang isang oras araw-araw. Sinusunog ng pagwo-workout ang mga nakakain mo, healthy man o hindi, araw-araw.
• Olive oil at virgin coconut oil lang ang gamitin tuwing ikaw ay magluluto.
• Kumain araw-araw ng heavy breakfast para maiwasan ang madalas na pagkagutom.
• Sabayan ng pag-inom ng dietary supplement na ligtas inumin ang ano mang physical activity.Makakatulong ito para bumisis ang pagsusunog at pagtunaw ng calories at taba sa katawan.

Tandaan, ang lahat nang ito ay mga epektibong paraan kung paano pumayat ng mabilis. Sila ay safe gawin dahil wala namang chemical formulang nakahalo sa mga nirekomendang pagkain at inumin. Maging ang mga ehersisyo ay simple lamang kayat ang mga ito ay garantisadong mabilis na pampapayat. Tinuruan ka na rin ng artikulong ito kung paano magpapayat ng isang linggo lang. Hindi man agad-agad na maaabot ang goal mo, pero garantisado namang magkakaroon ng pagbabago. Disilipina at determinasiyon lamang ang susi.

The post Alamin ang Mga Paraan Kung Paano Pumayat ng Mabilis first appeared on Mataba Ako!.